මහනුවර පාසල් අතර සංවිධානය කෙරෙන ප්රමුඛතම අන්තර් පාඨශාලීය විස්සයි20 ක්රිකට් තරගාවලිය වූ KSPL ( Kandy Schoolls Provincial Level) තරගාවලිය අප්රේල් 1, 2 සහ 3 තෙදින තුළ මහනුවර අස්ගිරිය ක්රිකට් ක්රීඩාංගනයේ දී පැවැත්වේ.
ජාතික තලය සඳහා විශිෂ්ටම ක්රීඩකයන් සොයා යෑමට පාසල් ක්රිකට් ක්රීඩාව තුළ නව ආලෝකයක් දල්වමින් දෙවන වරට පැවැත්වෙන මෙම විස්සයි 20 තරගාවලිය තුළ ක්රිකට් ක්රීඩාවේ නිරත මහනුවර ප්රමුඛම පාසල් 08ක් තරග වදිති. මේ පාසල් අන්තර්ජාතික තලයේ ක්රිකට් ක්රීඩකයන් බිහි කිරීමේ ඉතිහාසයක් සහිත පාසල්ය. 
ත්රිත්ව විද්යාලය, ධර්මරාජ විද්යාලය, කිංස්වුඩ් විද්යාලය, සිල්වෙස්ටර් විද්යාලය, විද්යාර්ථ විද්යාලය, ශාන්ත අන්තෝනි විද්යාලය, සුමංගල විද්යාලය සහ රාහුල විද්යාලය මෙම තරගාවලිය තුළ තරග වදිති.
පිළිමලුන් පිටු දැකීමේ ක්රමයට සංවිධානය කර ඇති තරගාවලියේ මූලික වටයේ සෑම තරගයක්ම දිනයේ පෙරවරුවේ සහ පස්වරුවේ පැවැත්වේ.
තරගාවලි කාලසටහන
සෑම දිනකම පෙරවරු 8.30 ඉසව්ව ආරම්භ වන වෙලාව ලෙස දක්වා තිබේ.
අප්රේල් 01 – තරගාවලිය ආරම්භවන්නේ අප්රේල් මස 01 වැනිදාය. එදින
- පෙරවරුව – රාහුල විද්යාලය සහ ධර්මරාජ විද්යාලය අතර තරගය පැවැත්වේ.
- පස්වරුව – සිල්වෙස්ටර් විද්යාලය සහ කිංස්වුඩ් විද්යාලය අතර තරගයයි.
අප්රේල් 2 – තරගාවලියේ දෙවන දිනයයි. එදින
- පෙරවරුව සුමංගල විද්යාලය සහ ත්රිත්ව විද්යාලය අතර තරගය පැවැත්වේ.
- පස්වරුව – ශාන්ත අන්තොනි විද්යාලය සහ විද්යාර්ථ විද්යාලය අතර තරගය පැවැත්වේ
අප්රේල් 03 – අවසන් මහා තරගය පැවැත්වෙයි
දෙවනවරට පැවැත්වෙන KSPL – මහනුවර අන්තර් පාඨශාලීය විස්සයි 20 ක්රිකට් තරගාවලිය මුල් වරට ආරම්භ වන්නේ වර්ෂ 2019 දී ය. මෙවැනි තරගාවලියක් පිළිබඳ අදහස කඳුරට ගුවන් විදුලියේ ඉන්දික විජේසිරිගේය.
වර්ෂ 2019 පළමු තරගාවලියෙන් අනතුරුව ලෝකය වෙලාගත් කොවිඩ් උවදුර හේතුවෙන් තරගාවලිය තාවකාලිකව අත්හිටවනු ලැබීය.
KSPL තරගාවලිය දෙවන වරට සංවිධානය වන්නේ දැඩි සෞඛ්ය උපදෙස් සහ සෞඛ්යය මාර්ගෝපදේශ පිළිපදිමිනි. දිනකට සහභාගීත්වය උපරිමය ප්රේක්ෂකයන් 700කට සීමා කර ඇත.
මධ්යම පළාත් අධ්යාපන අමාත්යාංශයේ මගපෙන්වීම යටතේ “Cardiff Globle Service“ ඉසව් කළමනාකරණ ආයතනය සහ ශ්රී ලංකා ගුවන් විදුලි සංස්ථාවේ කඳුරට එෆ්.එම් ගුවන් විදුලි සේවාවත්, පාසල් ක්රිකට් සම්බන්ධව වගකීම් දරන බලධාරීනුත් එක්ව මෙම ප්රාදේශීය පාසල් ක්රිකට් ලීගය සංවිධානය කරනු ලබයි.
තරගාවලිය සංවිධානයේ දී ඉන්ෆොටෙක් ආයතනයේ සාමාන්යාධිකාරී අජිත් ද සිල්වා, මිස්ටර් මැක් ආයතනයේ ප්රධානී සංජීව සුරවීර, මහනුවර ආසිරි රෝහලේ අධ්යක්ෂ වෛද්ය ප්රසාද් මහවත්ත එක්වී සිටිති..
මෙම තරගාවලිය ශ්රී ලංකාවේ පාසල් ක්රිකට් ක්රීඩාව තුළ විස්සයි 20 ක්රිකට් ක්රීඩා ඉසව්ව ප්රචලිත කිරීම සඳහා නව ප්රවේශයක් ලබා දෙනු ඇතැයි අපේක්ෂා කෙරේ.
