පොලිස් ස්ථානාධිපතිවරුන්ගේ ක්රියාකලාපය සමීපව අධ්යයනය කිරීම සඳහා නව වැඩපිළිවෙළක් ආරම්භ කර ඇති බව මහජන ආරක්ෂක සහ පාර්ලිමේන්තු කටයුතු අමාත්යාංශය පවසයි.
අමාත්ය ආන්ද විජයපාල සඳහන් කළේ තමන් වගකීම් දරන පොලිස් බල ප්රදේශය තුළ මත්ද්රව්ය ජාවාරම් මැඩපැවැත්වීම, වෙඩි තැබීම් හා සංවිධානාත්මක අපරාධ ක්රියා පාලනය කිරීම පොලිස් ස්ථානාධිපතිවරුන්ට පැවරෙන ප්රමුඛ රාජකාරිය බවය.
එම වගකීම නිසි පරිදි ඉටු කරන්නේ දැයි වැඩ බලන පොලිස්පතිවරයා විසින් මාසිකව සමාලෝචනය කරන බවද ඇමතිවරයා ප්රකාශ කරයි.
ප්රජාව සමග සුහදතාවය වර්ධනය කරගැනීම, පොලිස් බල ප්රදේශයේ සාමය පවත්වාගෙන යෑමට කැපවීම, පොලිස් ස්ථානාධිපතිවරුන් දරන ප්රධාන කාර්ය කොට සලකනු ලබන බව ද ඇමතිවරයා අවධාරණය කරයි.
යම් පොලිස් ස්ථානාධිපතිවරයෙක් උක්ත වගකීම්වලට අනුගත නොවී සංවිධානාත්මක අපරාධකරුවන් සමග සබඳතා පවත්වන්නේ නම් ඔවුන්ට එරෙහිව දැඩි ක්රියාමාර්ග ගැනීම සහතික කරන බව ද ඇමතිවරයා පවසයි.
