විවිධ අපරාධ කර සැඟව සිටින අපරාධකරුවන් කිහිප දෙනෙක් ඉතා නුදුරේදීම ඉන්දියාවේ සිට ගෙන්වා ගැනීමට කටයුතු කරන බව පොලිසිය පවසයි.
පොලිස් මාධ්ය ප්රකාශවරයා මේ බව ප්රකාශ කළේ අපරාධ මර්ධනය සඳහා මේ වනවිට දියත් වී ඇති මෙහෙයුම සම්බන්ධව මාධ්යයට පැහැදිලි කිරීමක් කරමිනි.
“වසරේ මේ වනවිට සංවිධානාත්මක වෙඩි තබා ගැනීම් 07ක් වාර්තා වුනා. මුළු වෙඩි තබා ගැනීම් සිද්ධි 13ක් වාර්තා වෙනවා.
“සංවිධානාත්මක අපරාධකරුවන්ගේ වෙඩි තබා ගැනීම් 07න් පුද්ගලයින් 09ක් මිය ගියා. දෙදෙනෙක් තුවාල ලැබුවා. මේ වෙඩි තබාගැනීම් සඳහා සහාය වුන, වෙඩික්කරුවන් වශයෙන් එක් වුන සිද්ධියට සම්බන්ධ සැකකරුවන් 30 දෙනෙක් මේ වනවිට අත් අඩංගුවට ගෙන තියනවා.”
“එමෙන්ම මෙම කාලය තුළ මෙහෙයුම් මගින් ටී 56 ගිනි අවි 03ක්, පිස්තෝල ගිනි අවි 05ක්, අපරාධ සඳහා භාවිතා කළ යුතුරු පැදි 04ක් අපේ භාරයට ගන්න හැකි වෙලා තියනවා. අනෙක් අපරාධත් අපි ඉතාම කඩිනමින් විසඳන්න කටයුතු කරනවා.”
“ඒ වගේම අපරාධ කර විදේශයන්හි සැඟව සිටින පුද්ගලයින් ලංකාවට ගෙන්වා ගැනීමේ වැඩ පිළිවෙලත් දිගින් දිගටම ක්රියාත්මකයි. ඒ අනුව ඉතා නුදුරු කාලයේ දී අපරාධ කර ඉන්දියාවේ සැඟවී සිටින අපරාධකරුවන් කීප දෙනෙක් ලංකාවට රැගෙන ඒමේ වැඩපිළිවෙළක් මේ වනවිට සකස් කරමින් පවතිනවා. ” පොලිස් මාධ්ය ප්රකාශකවරයා පැවසුවේය.
