අර්බුදකාරී වාතාවරණයකට මුහුණ දී තිබෙන පාකිස්ථානය තුළ ආතතීන් උත්සන්න කරමින් මහා පරිමාණ නොසන්සුන්තාවයක් ඇති කරමින් ටෙහ්රික් ඊ ඉන්සාෆ් පක්ෂය මර්ධනය කිරීමට උත්සාහ කළා යැයි හිටපු පාකිස්ථාන අග්රාමාත්ය ඉම්රාන් ඛාන් එරට හමුදාවට චෝදනා එල්ල කරයි.
මැයි 25 වෙනිදා පැවති උද්ඝෝෂණයේදී සිය පක්ෂ සාමාජිකයින්ට එරෙහිව පොලීසිය ප්රචණ්ඩත්වය භාවිතා කළ බවත් පොලීසියටත් ඉහළින් අභ්යන්තරිකයින් පොලීසියට ඒ සඳහා අණ ලබා දී බවත් ඔහු පවසයි. ඉම්රාන් ඛාන් මේ බව සඳහන් කළේ දේශපාලන රැස්වීමකට සහභාගී වූ අවස්ථාවකදීය.
මෙහිදී ‘මධ්යස්ථයින් ඇත්ත වශයෙන්ම මධ්යස්ථ ද’ යනුවෙන් ඔහු ප්රශ්න කළේය.
පාකිස්ථානය තුළ නොසන්සුන්තාවයන් වර්ධනය වීමට හේතු වූයේ අගෝස්තු 9 වැනිදා ඉස්ලාමාබාද් පොලීසිය, පීටිඅයි පක්ෂ නායක ෂහබාස් ගිල් අත්අඩංගුවට ගෙන ඔහුට වධහිංසා පැමිණවූ බවට කළ චෝදනාය. ඔහු අත්අඩංගුවට ගැනීමට හේතු වූයේ පාකිස්ථාන හමුදාවට එරෙහිව සිදුකළ ආන්දෝලනාත්මක ප්රකාශයක් සිදු කිරීමයි.
