සුමිත් පොතුපිටිය –
රජයේ ප්රබල අමාත්යාංශයක උපදේශක තනතුරක් දරණ 70 හැවිරිදි ආචාර්ය වරයෙක් විසින් ජපන් භාෂා උගන්වන තරුණ ගුරුවරියකට ලිංගික අතවර කිරීමේ සිද්ධියක් සම්බන්ධයෙන් මොරටුව පොලිසිය පරීක්ෂණ ආරම්භ කර තිබේ.
අගතියට පත් කළුතර ප්රදේශයේ පදිංචි ගුරුවරිය විසින් කළ පැමිණිල්ලක් අනුව පරීක්ෂණ ආරම්භ කර තිබේ.
උපදේශකවරයා පැමිණිලිකාර ගුරුවරිය ඊයේ (16) කොළඹ මහජන පුස්තකාලයේ දේශනයක් සිදුකිරීමට යැයි පවසා ගෙන්වාගෙන ඇති අතර, ඇය කොළඹට පැමිණිමෙන් පසු දේශනය අවලංගු කර ඇති බව දැනුම්දී තිබේ.
ඇයගේ දේශනවලට අදාල පරිඝණක ඉදිරිපත් කිරීමේ (presentation) අඩුපාඩු ඇති බවත් ඒවා නිවැරැදි කිරීමට තමා සමග එන්නැයි පවසා උපදේශකවරයා පදිංචි මොරටුව ප්රදේශයේ නිවසට ඇය කැටුව ගොස් ඇති බව සඳහන් වේ.
එහිදී ගුරුවරියව දෙමහල් නිවසේ ඉහළ මාලයට කැටුව ගොස් ලිංගික අතවර කිරීමට උත්සාහ කර ඇති බවත්, ඇය එයට විරෝධයපා ඔහුගෙන් මිදී, නිවසට ගොස් සිය පියා සමග පැමිණ පැමිණිලි කර ඇති බවත් පොලිසිය කීය.
සැකකාර ආචාර්ය වරයා අද පස්වරුවේ මොරටුව මුලස්ථාන පොලිසියට කැඳවා ප්රකාශ සටහන් කරගත් බවද පොලිසිය කීය.
මොරටුව මූලස්ථාන පොලිසිය පරීක්ෂණ පවත්වයි.
