මනම්පිටිය නිමල් ජයරත්න –
-
කළමනාකරු ඇතුළු 12ක් පොල්කුඩු වැනි බාල පොහොර මිටි 1000ක් සමග පොහොර පටවා තිබූ ලොරි හතරක් ඇතුළු උපකරණ තොගයක් අත් අඩංගුවට
ප්රමිතියෙන් තොර පොල්කුඩු වැනි බාල පොහොර වැඩි මිලට විකුණමින් ජාතික ආහාර සංචිතය බිහි කරන ගොවි ජනතාව බරපතල අගතිකයටක පත් කර ඔවුන්ව සූරා කෑ මහා පරිමාණ කෘෂි යෙදවුම් ව්යාපාරිකයෙක් පොළොන්නරුව සිරිපුර ප්රදේශයේ දී අද (14) අත් අඩංගුවට ගත් බව, පොළොන්නරුව කොට්ඨාස අපරාධ විමර්ශන අංශය සඳහන් කරයි.
මෙම අපරාධකාරී ව්යාපාරිකයා දීර්ඝ කාලයක සිට නයිට්රිජන් සංඝටකය ලෙස ඇමෝනියා යොදා ගත්, නයිට්රිජන් ප්රතිශතය සියයට විසි එකක් පවතින පොහොර ඉතා අඩු මිලට ගෙනවිත්, සියයට හතලිස් හයක් නයිට්රජන් පවතින බවට සඳහන් උරවල ඇසුරුම් කර ගොවීන්ට වැඩිමිලට අලෙවි කර ඇති බව මේ වනවිට අනාවරණය වී ඇත.
පොලොන්නරුව කොට්ඨාස විමර්ශන අංශය මෙම වැටලීමේ දී ආයතනයේ කළමනාකාරවරයෙකු ඇතුළු සේවකයින් දොලොස් දෙනෙක්, කලවම් කරන ලද පොහොර මිටි දාහකට ආසන්න සංඛ්යාවක්, මෙන්ම පොහොර පටවා තිබූ ලොරි හතරක් සහ තවත් උපකරණ තොගයක් අත් අඩංගුවට ගෙන තිබේ.
මෙම ජාවාරම් සිදුකරන ප්රධාන සැකකරු ප්රදේශයෙන් පළාගොස් ඇති අතර, එම පොහොර මිශ්ර කරමින් සිටි සේවකයින්
එකොළොස් දෙනකුද මෙම වැටලීමේදී අත්අඩංගුවට ගැනීමට හැකියාව ලැබුණු බව එම වැටලීමට සම්බන්ධ වූ පොළොන්නරුව කොට්ඨාස අපරාධ විමර්ශන අංශයේ උසස් නිලධාරියකු අප කළ විමසීමකදී සඳහන් කළේය.
මෙහි කළමනාකාකරු යැයි කියාගන්නා පුද්ගලයා ඇඹිලිපිටිය ප්රදේශයේ පදිංචි අතර, පොහොර ඇසුරුම් කරමින් සිටි සේවකයින් එකොළොස් දෙනාම මඩකලපුව සන්ධිවේලි ප්රදේශයේ පදිංචිකරුවන් බවද පොලිසිය කියයි.
වැඩි මිල සටහන් කරන ලද හිස් පොහොර මලු දෙදහකට ආසන්න සංඛ්යාවක් සහ, පොහොර බෑග් මහණ මැෂින්, වැඩි මිල සටහන් කරන යන්ත්ර සූත්ර කීපයක්ද අත්අඩංගුවට ගැනීමට හැකියාව ලැබුණු බවද ශ විමර්ශන අංශ සඳහන් කරයි.
මෙම ජාවාරම කරගෙන ගිය ප්රධාන සැකකරු පෞද්ගලික පොහොර සමාගමකින් නයිට්රිජන් සියයට විසි එක කිලෝ පනහේ මිටියක් රුපියල් 5000 ක් වැනි මිලකට ලබාගෙන ව්යාජ ලෙස ඇසුරුම් කර අරලගංවිල, සිරිපුර, වැලිකන්ද ඇතුළු පොළොන්නරු දිස්ත්රික්කය පුරා ගොවීන්ට, සහ අලෙවි නියෝජිතයන්ට සියයට 46ක් අන්තර්ගත පොහොර වශයෙන් බෙදා හැර තිබෙන බවත්, පොලිසිය කරන ලද පරීක්ෂණවලින් හෙළිදරව් වී තිබේ.
වැඩි නයිට්රජන් ප්රමාණයක් තිබෙන බවට ව්යාජ සටහන් කරන ලද පොහොර ලබාගන්නා ගොවීන් වී වගාවට යෙදූවද ඔවුන් යොදා ඇත්තේ සියයට විසි එකක් පමණ පවතින නයිට්රජන් පොහොර බවත්, ඒ අනුව පොළොන්නරුව දිස්ත්රික්කයේ විශාල බිම් ප්රමාණයක වී වගාවට යල මහ දෙකන්නයේ බොහෝ ගොවීන් පිරිසක් කලයක සිට යොදා ඇත්තේ මෙම ජාවාරම්කරුවාගෙන් ලබා ගන්නා පොහොර බවත්, එය ගොයම කහගැන්වී අස්වැන්න අඩුවීමට හේතුවක් වී ඇති බවත් මේ වනවිට සිදුකළ මූලික විමර්ශනවලින් අනාවරණය වි ඇත.
මෙම මහා පරිමාණ ජාවාරම සිදු කිරීම සඳහා ප්රධාන සැකකරු සමග තවත් කිහිපදෙනෙකු සම්බන්ධ වී ඇති බවට සැකකරන බව පොළොන්නරුව කොට්ඨාශ අපරාධ විමර්ශන අංශය සඳහන් කරයි.
පොළොන්නරුව ජ්යෙෂ්ඨ පොලිස් අධිකාරී නිශාන් ද සිල්වාගේ උපදෙස් මත, වැලිකන්ද ප්රදේශය භාර සහකාර පොලිස්
අධිකාරි එම්.එස්.එම්. ජරූල් මහතාගේ මැදිහත්වීමෙන්, පොළොන්නරුව කොට්ඨාස අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක ජේ.පී.ආර්.කේ. ජාගොඩගේ සහ පොලිස් පරීක්ෂක ඒ.ටී. බණ්ඩාරගේ මෙහෙයවීමෙන් පොලිස් සැරයන්, 42229 රංග, 61580 චමින්ද, පොලිස් සැරයන්, 71995 චන්ද්රසේන, පොලිස් කොස්තාපල් 82748 සඳකැළුම්, පොලිස් කොස්තාපල් 34968 නිශ්ශංක, පොලිස් කොස්තාපල් 88883 ලක්ෂාන් යන නිලධාරීහු මෙම වැටලීම සිදුකළහ.
අත්අඩංගුවට ගත් කළමනාකාරවරයා ඇතුළු දොළොස් දෙනා බී වාර්තාවක් මගින් අද (14) පොළොන්නරුව මහේස්ත්රාත් අධිකරණයට ඉදිරිපත් කරන බව පොළොන්නරුව කොට්ඨාස අපරාධ විමර්ශන අංශය සඳහන් කරයි.
