වේළුපිල්ලේ ප්රභාකරන් තමන්ගේ දෙවියන් බව නැවත නැවතත් ප්රකාශ කරන බවත් එසේ කියන්නට බිය නොවන බවත් පාර්ලිමේන්තු මන්ත්රී රාමනාදන් අර්චුනා අද (10) පාර්ලිමේන්තුවේ දී කීවේය. තමන්ගේ ජනතාව වෙනුවෙන් ජීවිතය පුදකළ පුද්ගලයෙක් දෙවියෙක් ලෙස සැලකීමේ වරදක් නැති බව හෙතෙම අවධාරණය කළේය.
ඔහු ප්රකාශ කළේ තමන් උතුරේ තමන්ගේ ජනතාවට සිදුවූ අපරාධවලට එරෙහිව අනිවාර්යයෙන් ජිනීවා ගොස් මානව හිමිකම් කොමිසම ඉදිරියේ එම අපරාධ පිළිබඳ සාක්ෂි දෙන බව කී අර්චුනා මන්ත්රීවරයා එසේ සාක්ෂි දී නැවත දිවයිනට එන බව ද පැවසුවේය.
ඒ අවස්ථාවේ දී අවශ්ය නම් තමන්ව අත් අඩංගුවට ගන්නා ලෙස කී මන්ත්රීවරයා පැවසුවේ තමන් කිසිම සිංහල ජාතිකයෙක් සමග අමනාපයක් නැති බවය. ත්රී කුණාමලය, කළුබෝවිල අනුරාධපුරය වැනි ප්රදේශවල වෛද්යවරයෙක් ලෙස සේවය කළ තමන්ට වැඩිපුරම ආදරය කළේ සිංහල ජනතාව බව කී අර්චුනා මන්ත්රීවරයා ජනතාව වෙනුවෙන් ජීවිතය පුද කළ රෝහණ විජේවීරත් තමන්ට දෙවියෙක් බව කීවේය.
ඊලඟ වාරයේ තමන් ඡන්දය ඉල්ලන්නේ සිංහල බහුතරයක් සහිත ප්රදේශයකින් බව ද හෙතෙම ප්රකාශ කළේය.
