ආණ්ඩුවේ සිට ස්වාධීන වී පසුව විපක්ෂයේ අසුන්ගත් ඩලස් අලහප්පෙරුම ප්රමුඛ මන්ත්රීවරුන් 13 දෙනා එක්ව පිහිටුවා ගත් නිදහස ජනතා සභාව සහ විමල් වීරවංශ සභාපතීත්වය දරන උත්තර ලංකා සභාගය එක්ව කටයුතු කිරීම සම්බන්ධයෙන් අවධානය යොමුව ඇතැයි වාර්තා වේ.
අභ්යන්තර ආරංචි මාර්ග පවසන්නේ ඉදිරියේ දී මෙම සන්ධානය සඳහා විපක්ෂය වන සමගි ජන බලවේගයේ ද සහාය ලැබෙනු ඇති බවය. එය ප්රධාන විපක්ෂ සන්ධානයක් ලෙස ගොඩනැගෙද්දී රනිල් වික්රමසිංහ ජනාධිපතිවරයාගේ නායකත්වය සහිත එක්සත් ජාතික පක්ෂය, පොහොට්ටුවෙන් ඉතිරිවන බහුතරය, වතුකරයේ සුළු පක්ෂ සහ දෙමළ ජාතික සන්ධානයෙන් කොටසක් ද සමගි ජන බලවේගයෙන් කැඩී එන පිරිසක් ද සමග එක්වී අනෙක් ප්රධාන සන්ධානය නිර්මාණය වනු ඇති බවට දේශපාලන ආරංචි මාර්ග කියයි.
ඒ අනුව ඉදිරි මැතිවරණයක දී මේ ප්රධාන දෙපාර්ශවය සන්ධානගතව තරග කිරීමට කටයුතු කිරීමට සැලසුම් කර ඇත.
කෙසේ වෙතත් ජනතා විමුක්ති පෙරමුණ සිය දේශපාලන ස්ථාවරයේ රැඳී සිටිමින් මේ දෙපාර්ශවයම හා එක් නොවී දේශපාලන ක්රියාවලියකට සූදානම් වන බව වාර්තා වේ.
