ලලිත් චාමින්ද
ඩිජිටල් සලකුණු ක්රමවේදය යටතේ ස්ටිකර් ව්යාපෘතිය ක්රියාත්මක වන ප්රධාන මත්පැන් සමාගමක එක් නිෂ්පාදනාගාරය තුළ ස්ථාපනය කොට තිබු ස්ටිකර් මුද්රණ යන්ත්රය අක්රිය වි තිබිම හේතුවෙන් පසුගිය මාස 13ක කාලය තුළදි ස්ටිකර් මුද්රණය නොවු මත්පැන් බෝතල් 4,904,369ක් වෙළද පොළට නිකුත් වි තිබු බව ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.
ස්ටිකර් මුද්රණ යන්ත්රය ස්ථාපනය කරනලද 2022 ජනවාරි 11 දින සිට 2023 ජනවාරි 31 දින කාලය තුළදි ආසන්න වශයෙන් මාස 13ක් තුල අවස්ථාව 813 කදි මෙකී මුද්රණ යන්ත්රය අක්රියවි තිබු බවද විගණනය මගින් අනාවරණය කොට ඇත.
අදාල කොන්ත්රාත් සමාගමේ අධික්ෂණය යටතේ සලකුණු යන්ත්රය ක්රියාත්මකව වි තිබුණි. සුරාබදු නියෝගයට අනුකුල නොවන අයුරින් මෙකි මත්පැන් බෝතල් තොගය වෙළද පොළට නිකුත් වි තිබු බවද විගණනය මගින් අනාවරණය කොට ඇත.
එමෙන්ම ආරක්ෂිත සලකුණු කළමනාකරණ පද්ධතිය තාක්ෂණික හා කාර්මික දෝෂවලට ලක්ව තිබුනද ගිවිසුම් ප්රකාරව ගෙවිය යුතු සියලු ගෙවිම් අදාල සමාගම වෙත ගෙවා තිබුණ බවද විගණනය හෙළි කර ඇත.
ඉකුත් වර්ෂය තුළ (2022) දේශිය නිෂ්පාදිත මත්පැන් සඳහා මුද්රිත ස්ටිකර් විසි එක් කෝටි, හැත්තැ දෙලක්ෂ, දසදහසක් (217,210,000) අදාල කොන්ත්රාත්කාර සමාගමෙන් ආනයනය කොට තිබුණි. මේ සදහා අදාල සමාගම වෙත ගෙවා ඇති මුදල රුපියල් හතලිස් නම කෝටි ,හතලිස් නව ලක්ෂ, විසි එක් දහස් තුන්සිය හතලිස් නමයකි (494,921,349). විදේශිය මත්පැන් සඳහා ගෙන්වනු ලැබු මුද්රිත ස්ටිකර් එක්කෝටි විසි ලක්ෂ, දාසය දහස් එක සිය තිස් පහ සඳහා (12,016,135) ගෙවු මුදල රුපියල් දාහතර කෝටි, හතලිස් නව ලක්ෂ ,පන් දහස් හාරසිය අසුවකි (14,495,480)කි.
එමෙන්ම ඩිජිටල් සලකුණු තිස් හත් කෝටි, පනස් පන් ලක්ෂයක් (375,500,000) සඳහා කොන්ත්රාත්කාර සමාගමට ඇමරිකානු ඩොලර් විසි දෙලක්ෂ ,හතලිස් නව දහස් ,දෙසිය හතලිස් පහක (2,249,245) ගෙවිමට තිබුණි.
ඉන් විසි එක් ලක්ෂ, දහඅට දහස්, තුන්සිය හැත්තෑ හතරක (2,118,374) මුදලක් ගෙවා තිබුණි.
කෙසේ වුවද මෙකි ගෙවිම් අනුමත කිරිමේ දී සහ සහතික කිරිමේදී අදාළ ගිවිසුම් ප්රකාරව එඟවු සියලුම කාර්යයන් නිමවි තිබුණේද යන්න තහවුරු කර නොතිබු බවද විගණනය මගින් අනාවරණය කොට තිබුණි.
