රසායනාගාර විද්යාඥයින්, ඖෂධ සේවකයින් පරිපූරක වෛද්ය සේවාවට අයත් ක්ෂේත්ර පහක වෘත්තිකයින් අද පෙරවරු 8 සිට සියලු රෝහල්වල ආරම්භ කර ඇති වැඩ වර්ජනය හේතුවෙන් රෝහල් රැසකට පැමිනි රෝගීන් දැඩි දුෂ්කරතාවයකට පත්වී ඇති බව වාර්තා වෙමින් ඇත.
මෙම වැඩ වර්ජනය ආරම්භ කර ඇත්තේ උසස්වීම් ප්රමාදය, සම සෞඛ්ය විද්යාපීඨ උපාධිධාරීන් සේවයට බඳවා නොගැනීම, ඇතුළු මූලික ගැටලු පහකට විසඳුම් ඉල්ලමිනි.
පෙර අවබෝධයක් නොමැතිව රෝහලට පැමිණි දුගී ජනතාව තමන්ට වූ අවනඩුව ප්රකාශ කරමින් සිටින ආකාරය දක්නට ලැබිණි. මේ බොහෝ දෙනා එදා වේල කුලී කර යමක් උපයා ගන්නා අසරණ මිනිසුන් වීමත් ඔවුන් බොහෝ දෙනෙකුට පුද්ගලික රසායානාගාරයකින් පරීක්ෂණ කරගැනීමට තරම් වත්කමක් නොමැති පිරිසක් වීමත් මේ ඛේදනීය තත්ත්වය තවත් තීව්ර කර තිබුණ අයුරු පෙනුනි.
