රජරට විශ්ව විද්යාලයේ නේවාසික පහසුකම් සම්බන්ධයෙන් ඇතිවී ඇති අර්බුදය හේතුවෙන් සිසු පිරිස් දැඩි අපහසුතාවකට පත්ව ඇතැයි වාර්තාවේ.
නේවාසිකාගාර පහසුකම් තිබුණද ඒවාට ඇතුළත් කර ගැනීම සඳහා අවශ්ය ලියාපදිංචිය විශ්ව විද්යාල පරිපාලනය විසින් නිසි ලෙස ක්රියාත්මක නොවීම හේතුවෙන් විශේෂයෙන්ම ශිෂ්යාවන් විශාල අපහසුතාවයකට ලක් වී ඇති බව අභ්යන්තර ආරංචි මාර්ග සඳහන් කරයි.
ශිෂ්යාවන් කොටසකට නේවාසිගාර පහසුකම් ලබා දී ඇති නමුත් තවත් කොටසකට නේවාසික පහසුකම් ලබා දීම සිදුකරනුයේ ලබන අඟහරුවාද බව පරිපාලනය අද (27) හවස දැනුම් දී ඇත.
මේ හේතුවෙන් ඈත දුරබැහැර සිටි පැමිණ ඇති සිසුවියන් නැවතත් ගම්බිම් බලා යාමට නොහැකිව දැඩි අසීරුවකට පත්ව ඇතැයි වාර්තාවේ.
පරිපාලනයේ මෙම අත්තනෝමතික තීරණයන් හේතුවෙන් සිසුවියන්ගේ ආරක්ෂාව දැඩිලෙස අභියෝගයට ලක්ව ඇතැයිද අභ්යන්තර ආරංචි මාර්ග කියයි.
