අකුරේගොඩ ප්රදේශයේ සිදුවූ ද්විත්ව මනුෂ්ය ඝාතනය සම්බන්ධයෙන් අත්අඩංගුවට ගත් දෙවැනි වෙඩික්කරුගෙන් වැඩිදුර ප්රශ්න කිරීම සඳහා දින 90ක රැඳවුම් නියෝග ලබා ගැනීමට පොලීසිය පියවර ගෙන තිබේ.
මෙම සැකකරුගෙන් සිදුකළ මූලික ප්රශ්න කිරීම්වලදී භීෂණකාරී තොරතුරු රැසක් අනාවරණය වී ඇති අතර, තමන් දකුණු පළාත ඇතුළු දිවයිනේ ප්රදේශ කිහිපයක සිදුවූ තවත් මනුෂ්ය ඝාතන රැසකට සෘජුවම සම්බන්ධ වූ බවට ඔහු පොලීසිය හමුවේ පාපොච්චාරණය කර ඇත.
119 පොලිස් හදිසි දුරකථන අංකයට ලද තොරතුරක් අනුව පසුගිය අඟහරුවාදා (24) වෙඩික්කරු ඇතුළු සැකකරුවන් තිදෙනා මොනරාගල පොලිසිය මගින් අත් අඩංගුවට ගන්නේ මොනරාගල, නක්කල, ටැංවත්තේ පිහිටි නිවෙසක දී ය.
රූබන් සුරේෂ් නමින් පෙනී සිටි 40 හැවිරිදි මේ අපරාධකරුගේ සැබෑ නම මනෝජ් උදයංග ය. ඔහු ගාල්ල කනන්කේ ප්රදේශයේ පදිංචිකරුවෙකි.
