ශ්රියානි විජේසිංහ –
නිපා වෛරසය ඌරන්ගෙන් ව්යාප්ත විය හැකි බැවින් අප රටේ සිටින ඌරන් සම්බන්ධව අවධානය යොමු කරමින් රෝග ආවේක්ෂණ කටයුතු ක්රියාත්මක කිරීමට අවශ්ය පියවර ගෙන ඇතැයි සත්ව නිෂ්පාදන හා සෞඛ්ය දෙපාර්තමේන්තුව සඳහන් කරයි.
නීපා වෛරසයෙන් මෙරට සත්ව නිෂ්පාදන කර්මාන්තය හා මහජන සෞඛ්යාරක්ෂාව තහවුරු කිරීමට පියවර ගැනීම අතිශය වැදගත් බැවින් සැලසිය හැකි උපරිම ආරක්ෂාව සලසන්නැයි කෘෂිකර්ම ඇරමති මහින්ද අමරවීර මහතා සෞඛ්ය දෙපාර්තමේන්තුවේ අධ්යක්ෂ ජනරාල් වෛද්ය හේමාලි කොතලාවලට උපදෙස් ලබා දී ඇත.
ඊයේ පැවති මාධ්ය සාකච්ඡාවක දී වෛද්ය පර්යේෂණ ආයතනයේ වෛරසවේදය පිළිබඳ විශේෂඥ වෛද්ය ජානකී අබේනායක පැවසුවේ වවුල් විශේෂයක් තුළ ගුණනය වන නීපා වෛරසය ආසාදනය වූ වවුලෙකු දෂ්ඨනයට ලක් වූ ඌරන් මගින් වෛරසය බෝවන අවදානම ඇති බවය.
එබැවින් රෝග ලක්ෂණ පෙන්වන ඌරන් සම්බන්ධව අවධානයෙන් සිටීම වැදගත් බව ඇය ප්රකාශ කළාය.
කෙසේ වෙතත් දැනට රෝගය පිළිබඳ අවදානමක් මේ රටට නොමැති හෙයින් කිසිවෙක් අනවශ්ය භීතියක් ඇති කරගත යුතු නැති බවත් මෙම වෛරස රොගයේ ස්වරූපයම ලෝක වසංගතයක් සේ වර්ධණය නොවීමේ හැඩයක් බවත් විශේෂඥ වෛද්යවරිය කීවාය.
