ඊයේ (19) රක්ෂිත බන්ධනාගාර ගත කළ සේවය අත්හිටවූ පොලිස්පති දේශබන්දු තෙන්නකෝන් අද (20) දිනයේ යළි මාතර මහෙස්ත්රාත් අධිකරණය වෙත ඉදිරිපත් කිරීමට නියමිතව තිබේ.
දේශබන්දු තෙන්නකෝන්ගේ ඇප ඉල්ලීම සම්බන්ධයෙන් අද පස්වරු 2.00ට මාතර මහෙස්ත්රාත්වරයා විසින් තීන්දුව ප්රකාශ කිරිමට නියමිත බව වාර්තා වේ.
දුටු තැන අත් අඩංගුවට ගැනීම සඳහා වරෙන්තු නිකුත් කර සිටි දේශබන්දු තෙන්නකෝන් දින 20ක කාලයක් අධිකරණය මගහැර සැඟවී සිට ඊයේ (19) දිනයේ මෝසමක් ඉදිරිපත් කරමින් මාතර අධිකරණයට භාරවුණි.
නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් දිලීප පීරිස් ප්රකාශ කළේ පොලිස්පති හොයන්නට ප්රභාකරන් සොයනවා සේ මහා විසාල පොලිස් බලඇණි යොදවා මෙහෙයුමක් කිරීමට පොලිසියට සිදුවූ බවය.
නීතියේ ආධිපත්යයට ගරු නොකර සැගවී සිටි මෙම පුද්ගලයාට ඇප නොදිය යුතු බවත්, නීතිය සැමට සාධාරණව ක්රියාත්මක කරන බවට වූ පණිවිඩය අධිකරණයෙන් ලබා දිය යුතු බවත් අතිරේක සොලිසිටර් ජෙනරාල්වරයා යෝජනා කළේය.
ඒ අනුව සැකකාර දේශබන්දු තෙන්නකෝන් අද දිනය දක්වා රක්ෂිත බන්ධනාගාර ගත කරන ලෙසට මාතර මහෙස්ත්රාත්වරයා නියෝග කළේය.
අදාළ නියෝගයට අනුව දේශබන්දු තෙන්නකෝන් ඊයේ පස්වරුවේ අගුණුකොළපැලැස්ස බන්ධනාගාරය වෙත විශේෂ ආරක්ෂාවක් යටතේ රැගෙන යනු ලැබීය.
