නීතිපතිවරයා සම්බන්ධව විවිධ කණ්ඩායම් සමාජ මාධ්ය ඔස්සේ විවිධ විවේචනය කරන ආකාරය රජය නිරික්ෂණය කළත් එම විවේචනවල සත්යතාවය හෝ අසත්ය තාවය සම්බන්ධ මතයක් රජයට නොමැති බව අධිකරණ හා ජාතික ඒකාබද්ධතා කටයුතු අමාත්ය හර්ෂණ නානායක්කාර අද (23) පාර්ලිමේන්තුවේ දී පැවසුවේය.
ඇමතිවරයා මෙය ප්රකාශ කළේ විපක්ෂ නායක සජිත් ප්රේමදාස නීතිපතිවරයාගේ ස්වාධීනත්වයට බලපෑම් එල්ල විය හැකි ආකාරය සම්බන්ධව නැගූ ප්රශ්නයකට පිළිතුරු දෙමිනි.
මිනිසුන්ගේ භාෂණ නිදහසක් ඇති බව රජය තේරුම් අරන් සිටින බවත් ඉදිරිපත් කරන මතයන් මගින් යම් හෙයකින් නීතිපති ධූරයේ ස්වාධීනත්වයට බලපෑමක්වන බව රජය විසින් නිරීක්ෂණය කළ හොත් එවැනි ඕනෑම අවස්ථාවක එම ධූරයේ ස්වාධීනත්වය ආරක්ෂා කිරීමට රටේ පවතින නීතිය අනුව උපරිම ක්රියාමාර්ග ගැනීමට රජය කටයුතු කරන බවත් ඇමතිවරයා වැඩි දුරටත් අවධාරණය කළේය.
“ විපක්ෂ නායක තුමනි. වෙනත් රජයන්වල නඩුකාරවරුන්ගේ ගෙවල්වලට ගල් ගහන ඒවා තිබුණා. නඩුකාරයින්ට විරුද්ධව පෝස්ටර් ගහන ඒවා තිබුණා. ඒ වගේම අපි දැක්කා අග්ර විනිශඡයකාර ශිරානි බණ්ඩාරනායක මැතිනියට සලකපු විදිහ. එතුමියට ගෙනාපු දෝෂාභියෝගය. මේ රජය එවැනි ආකාරයට කටයුතු කරන්නේ නෑ. නීතියට අනුව පමණයි කටයුතු කරනු ලබන්නේ. “ ඇමතිවරයා ප්රකාශ කළේය.
