නීතිඥ සංගමයේ සභාපති කෞෂල්ය නවරත්නට සිය ධූරයෙන් ඉල්ලා අස්වන ලෙස එම සංගමයේ සාමාජිකත්වය ඒකමතිකව ඉල්ලා තිබේ.
මතභේදයට තුඩු දුන් JAICA අරමුදල් පරිහරණයේ දි විනිවිද භාවයකින් යුතුව කටයුතු කිරීමට සභාපතිවරයා අපොහොසත් වී ඇති බව ඒ සම්බන්ධව පරික්ෂණයක් කළ පංච පුද්ගල කමිටුව විසින් අනාවරණය කරගැනීමත් සමගම කෞෂල්ය නවරත්නට සිය ධූරයෙන් ඉල්ලා අස්වන ලෙස මෙසේ සංගමයේ සාමාජිකත්වය ඒකමතිකව දන්වා ඇත.
පංච පුද්ගල කමිටුව සිය වාර්තාවේ සඳහන් කර ඇත්තේ ශ්රි ලංකා නීතිඥ සංගමය සහ JICA ආයතනය අතර ඇතිකරගත් කොන්ත්රාත්තුවට අදාළව ශ්රී ලංකා නීතිඥ සංගමයේ සභාපති ජනාධිපති නීතිඥ කෞෂල්ය නවරත්න විනිවිදභාවයෙන් යුතුව කටයුතු කිරීමට අපොහොසත් වී ඇති බවත්, ඔහු නීතිඥ සංගමයේ සභාපතිවරයා වශයෙන් ඔහු කෙරෙහි තබා ඇති විශ්වාසය කඩ කර ඇති බවත්ය.
නීතිඥ සංගමයේ සභාපතිවරයා ලෙස එහි බලතල සහ කාර්යයන් ක්රියාත්මක නොකරන ලෙසට නීතිඥ කවුන්සිලය විසින් කෞෂල්ය නවරත්නට නියෝග කර තිබේ.
මෙතෙක් නීතිඥ සංගමයේ උප සභාපති ලෙස කටයුතු කළ ජනාධිපති නීතිඥ නලින්ද ඉන්දතිස්ස සිය ධූරයෙන් ඉල්ලා අස් වී ඇතිි අතර ඔහුගේ අනුප්රාප්තිකයා ලෙස ජනාධිපති නීතිඥ අනුර මැද්දේගොඩ සංගමයේ උප සභාපතිවරයා ලෙස තේරී පත් වී තිබේ.
