නිල නිවාස භාර දෙන්නැයි හිටපු ඇමතිවරුන්ට රාජ්ය පරිපාලන හා ස්වදේශ කටයුතු පළාත් සභා හා පළාත් පාලන අමාත්යාංශය යළිත් යළිත් දැනුම් දීම් කළත් ඒවා භාර නොදීමට එක් ප්රධාන හේතුවක් වී ඇත්තේ නිල නිවාස භාර දීමේදී හිඟ ජල බිල්පත් සහ විදුලි බිල්පත් පූරණය කිරීම අනිවාර්ය කිරීම බව අභ්යන්තර ආරංචි මාර්ග කියයි.
ජල විදුලි බිල්පත් ගෙවා අවසන් වූ නිල නිවාස පමණක් භාරගන්නා ලෙස ස්වදේශකටයුතු පළාත් සභා හා පළාත් පාලන අමාත්යාංශය නිලධාරීන්ට ඍජුව උපදෙස් ලබා දීම පසුබිමේ මෙම නිල නිවාස භාර දිම කල් යමින් තිබෙන බව දැනගන්නට ඇත.
මේ තත්ත්වය තුළ හිටපු ඇමතිවරුන් 28 දෙනෙක් වෙනුවෙන් නිකුත් කළ නිල නිවාසවලින් මෙතෙක් භාර දී ඇත්තේ 14ක් පමණක් බව එම අමාත්යාංශය කියයි.
කෙසේ වෙතත් අමාත්යාංශයේ දැනුම් දීම දිගින් දිගටම මගහරින හිටපු අමාත්යවරුන්ට එරෙහිව ඉදිරි නීතිමය ක්රියාමාර්ග ගැනීමට නියමිතව තිබේ.
