නිල් පැහැති බිත්තර දමන කිකිළියක් ඉන්දියාවෙන් හමුවී තිබේ.
මෙම කිකිළිය බිත්තර දැමීමට පටන් ගත් අවස්ථාවේ සිට සුදු බිත්තර දැමූ නමුත් පසුගිය සෙනසුරාදා සිට ඇය දමන බිත්තර නිල් පැහැයක් ගෙන තිබීම පශු වෛද්යවරුන් විශ්මයට පත් කර ඇත.
එම කිකිළිය හිමි කර්නාටක ප්රාන්තයේ දවානගරේ නෙල්ලූර් ගම්මානයේ වෙසෙන ඉදිකිරීම් සේවකයෙක් වූ සයිඩ් නූර් නැමැත්තෙකුටය. බීබීසිය වාර්තා කරන්නේ මේ වනවිට නිල් පැහැති බිත්තර දමන කිකිළිය දකින්නට ගම්වාසීන් වැල නොකැඩී නූර් ගේ නිවසට පැමිණෙන බවය.
නිල් පැහැති බිත්තර දමන මෙම කිකිළිය ආසියානු කිකිළි විශේෂයක්වන අසීල් වර්ගයට අයත් කිකිළියක බව පශු වෛද්යවරු කියති. සමාන්යයෙන් මෙම කිකිළියන් දින 10ක් එක් දිගට බිත්තර දමා දින 15ක් විවේක ගෙන නැවත දින 15ක් එක දිගටම බිත්තර දමන බවත්, මේ වර්ගයේ කිකිළියක් වසරකට බිත්තර 100 සිට 126ක ප්රමාණයක් දැමීම සාමාන්ය ස්වරූපය බවත් පශු වෛද්යවරු විස්තර කරති.
එහෙත් මෙම අරුම පුදුම කිකිළිය බිත්තර දැමිම ආරම්භ කළ දින සිටම දිනපතා බිත්තරය බැගින් දමා තිබුණු බව හිමිකරු පවසයි.
“මේ ආරංචිය විශ්වාස කරන්න අමාරුයි,” නිලු පැහැති කිකිළි බිත්තර ගැන කර්ණාටක පශු වෛද්ය සත්ව හා ධීවර විශ්වවිද්යාලයේ කුකුළු පාලන විද්යාව පිළිබඳ හිටපු මහාචාර්ය මොහොමඩ් නදීම් ෆෙරෝස් බීබීසීයට පවසා තිබුණේය.
මෙම කිකිළිය නිල් බිත්තර දමන හේතුව තවමත් පැහැදිලි නැතත් ඒ ගැන පුළුල් පර්යේෂණ ක්රියාවලියක් ආරම්භ කර ඇතැයි ඉන්දීය පශු වෛද්යවරු පවසති. ( බීබීසී )
