නියෝජ්ය අමාත්ය නීතීඥ සුනිල් වටගලට කොළඹ සිනමන් ලයිෆ් නිවාස සංකීර්ණයේ සුඛෝපාභාගී නිවාසයක් මිලදී ගෙන ඇති බවත් එම නිවස සඳහා මුදල් උපයා ගත් ආකාරය සැක සහිත මෙන්ම එම දේපල අල්ලසක් ලෙස ලැබුණු එකක් බටවට බරපතල සැකයක් මතුව ඇති බවත් දක්වමින් පොදුජන පෙරමුණේ ක්රියාකාරිකයෙක්වන මහින්ද පතිරණ විසින් කළ ප්රකාශය හරහා තමන්ට බරපතල අපහාසයක් සිදුව ඇති බවට චෝදනා කරමින් නියෝජ්ය අමාත්ය සුනිල් වටගල, මහින්ද පතිරණට එරෙහිව නඩු පවර තිබේ.
කඩුවෙල දිසා අධිකරණයේ අංක 8892/එම් යටතේ පවරා ඇති මෙම නඩුව මගින් නියෝජ්ය අමාත්ය නීතීඥ සුනිල් වටගල මහින්ද පතිරණගෙන් රුපියල් බිලියන 10ක වන්දි මුදලක් ලබා දෙන ලෙසට ඉල්ලා ඇති අතර මහින්ද පතිරණ තමාටත් තම දේශපාලන ව්යාපාරයටත් අපහාස කිරීමේ අරමුණින් සිතාමතාම අසත්ය කරුණු ප්රචාරය කිරීම තුළින් මෙම අපහාසය සිදුකර ඇති බවටසුනිල් වටගල අධිකරණයට කරුණු සැලකර තිබේ.
මහින්ද පතිරණ 2025 සැප්තැම්බර් මාසයේ දිනක ප්රසිද්ධකරන ලද ෆේස්බුක් පළකිරීමක් මගින් නියෝජ්ය අමාත්ය නීතීඥ සුනිල් වටගලට කොළඹ සිනමන් ලයිෆ් නිවාස සංකීර්ණයේ සුඛෝපාභාගී නිවාසයක් ඇති බවට අසත්ය සහ ද්වේෂ සහගත ප්රකාශයක් සිදුකර ඇති බවට වූ මෙම ප්රකාශය සිදුකර තිබිණි.
එහිදී වැඩිදුරටත් මහින්ද පතිරණ ප්රකාශ කර තිබුණේ එම නිවාසය මිලදී ගැනීම සදහා මුදල් සොයාගත් ආකාරය සැක සහිත බවත්, එය අල්ලසක් විය හැකි බවත්ය. ඒ සියල්ල මුළුමනින්ම අසත්ය හා සාවද්ය බවත් නියෝජ්ය අමාත්ය නීතීඥ සුනිල් වටගල තම පැමිණිල්ලෙන් දක්වා තිබේ.
තවද මහින්ද පතිරණ සචින් රත්වත්තේ නමැති පුද්ගලයෙකුගේ ෆේසුබුක් ගිනුමක් උධෘත කරමින් මෙම ප්රකාශය සිදුකර ඇති බවත්, එම ෆෙස්බුක් ගිණුම සත්ය එකක් ද නැත්ද යන්න පවා සැක සහිත බවත් නියෝජ්ය අමාත්ය නීතීඥ සුනිල් වටගල තම පැමිණිල්ලෙන් ප්රකාශ කර තිබේ.
මහින්ද පතිරණගේ පළකිරීම බොහෝ සේ සමාජ ගතව ඇති බවත් එයින් තම කීර්ති නාමයට බලවත අපහාසයක් සිදුව ඇති බවත් නියෝජ්ය අමාත්ය නීතීඥ සුනිල් වටගල එම පැමිණිල්ලෙන් දක්වා ඇති තිබේ.
මේ සම්බන්ධයෙන් කරුණු නිවැරදි කරන ලෙස හෝ වන්දි ගෙවන ලෙස ඉල්ලා යවන ලද එන්තරවාසිය ප්රතික්ෂේප කිරීමක් මහින්ද පතිරණ විසින් සිදු කර නොමැති බවත් වටගල ගේ පැමිණිල්ලේ සදහන් කර තිබේ.
