මනම්පිටිය නිමල් ජයරත්න –
පොලොන්නරුව පරාක්රම සමුද්ර ප්රදේශයයේ නිවසක් තුළ කාමරයක අඩි විස්සක් පමණ ගැඹුරට කැණීමක් කර පුරාවස්තු සෙවීමේ යෙදෙමින් සිටි පුද්ගයින් දෙදෙනෙක් අද අලුයම තුනට පමණ කැණීම් කිරීමට යොදාගත් උපකරණ සමග අත්අඩංගුවටගත් බව අරලගංවිල විශේෂ කාර්ය බලකාය පවසයි,
පුද්ගලයෙකුගෙන් ලද තොරුතුරක් මත කළ වැටලීමක දී අත්අඩංගුවට පත් සැකකරුවන් දෙදෙනා අතර නිවෙස් හිමියා සහ නිවාස අසල අවුරුදු විස්සක් පමණ වයසැති පුද්ගලයෙකුද වන බව අරලගංවිල විශේෂ කාර්ය බලකායේ අනණදෙන නිලධාරී පොලිස් පරීක්ෂක ආර්. එම්. පී. ජයකැලුම් අප කළ විමසීමකදී පැවසීය.
අදාළ සැකකරුවන් දෙදෙනා නිවස තුළ කාමරයේ අඩි 20 ක් පමණ ගැඹුට කැණිම කර මැටි සහ වැලි නිවස තුළ ගොඩ ගසා තිබී ඇත.
විශේෂ කාර්ය බලකායේ අණදෙන නිලධාරී නීතිඥ නියෝජ්ය පොලිස්පති එල්.එල්.බී වරුණ ජයසුන්දර මහතාගේ නියෝග මත අම්පාර කලාප අණදෙන නිලධාරී පොලිස් අධිකාරි සිල්වෙස්ටර් විජේසිංහ මහතාගේ, සහ සහකාර පොලිස් අධිකාරී කේ. පී. නලින් පෙරේරා මහතාගේ මෙහෙයවීමෙන් අරලගංවිල විශේෂ කාර්ය බලකායේ අනණදෙන නිලධාරී පොලිස් පරීක්ෂක ආර්. එම්. පී. ජයකැලුම් මහතාගේ මැදිහත්වීමෙන් පොලිස් පරීක්ෂක එච්.එම්.එස්.ඩී. බණ්ඩාර, උප පොලිස් පරීක්ෂක කේ. එම්. එල්. බී. යසිත පොලිස් සැරයන් 10302 බණ්ඩාර, පොලිස් කොස්තාපල් 21814 පුෂ්පකුමාර, පොලිස් කොස්තාපල් 26339 බණ්ඩාර,94153 පුෂ්පකුමාර, 14316 දිසානායක යන පොලිස් නිලධාරීන් මෙම වැටලීම සිදුකළහ.
