ලලිත් චාමින්ද –
නාවික හමුදා බුද්ධි අංශයට ලද තොරතුරක් මත සිදුකළ වැටලීමක දී හෙරොයින් මත්කුඩු ප්රවාහනය කරමින් තිබූ බහු දින යාත්රාවක් මත්කුඩු කිලෝ 70ක් සමග දෙවුන්දර මුහුදු තීරයේ සිට කිලෝ මීටර් සියයක් පමණ ගැඹුරු මුහුදු තීරයේදී දි අත්අඩංගුවටගත් බැව් නාවික හමුදාව පවසයි.
බහු දින යාත්රාවේ සිටි පුද්ගලයින් එකොළොස් දෙනෙකු සහ කුඩා බෝට්ටු දෙකක්ද නාවික හමුදාව විසින් අත්අඩංගුවට ගෙන ඇත.
හෙරොයින් මත්කුඩු ප්රවාහනය කරමින් තිබූ බහු දින යාත්රාව සහ කුඩා බෝට්ටුවක්දක්ෂිණ නාවික හමුදා කඳවුර රැගෙන විත් ඇත .
නාවික හමුදා බුද්ධි අංශය ලද තොරතුරු මත පදනම්ව මේ වසර තුළ නාවික හමුදාව විසින් සිදුකළ දෙවැනි දැවැන්ත මත්කුඩු වැටලීම මෙයය. පසුගිය ජනවාරි මස 06 වැනිදා කළ වැටලීම මෙන්ම මෙම වැටලීමට අදාල පසු විමර්ශන කටයුතු පොලිස් මත්ද්රව්ය නාශක කාර්යාංශය විසින් සිදුකරනු ලබයි
