මහ බැංකු අධිපති ආචාර්ය නන්දලාල් වීරසිංහගේ ධුර කාලය තව දුරටත් දීර්ඝ කරනවා ද නැද්ද යන්න තීරණ කිරීම මුදල් ඇමති රනිල් වික්රමසිංහගේ නිර්දේශය තවමත් ජනාධිපති ගෝඨාභය රාජපක්ෂ වෙත ලැබී නැති බව ජනාධිපති ලේකම් කාර්යාල සඳහන් කරයි.
මහ බැංකු අධිපති නන්දලාල් වීරසිංහගේ ධුර කාලය ජුනි 30 වැනිදායින් අවන් වන අතර එය තව දුරටත් දිගු කරමින් ඒ සඳහා වන මුදල් ඇමතිගේ නිර්දේශය එන තුරු ජනාධිපතිවරයා බලා සිටින බව ඉහත ආරංචි මාර්ග අනාවරණය කළේය.
නන්දලාල් වීරසිංහ හදිසියේ ලංකාවට ගෙන්වාගෙන ඔහුට මහ බැංකු අධිපති ධුරය ලබා දී තිබුණ ද නව අගමැතිවරයා බලයට පත් වීමෙන් පසු මහබැංකු අධිපති තනතුරට දිනේෂ් වීරක්කොඩිගේ නම යෝජනා වී තිබිණි.
මෙම තනතුරේ නන්දලාල් කටයුතු කරමින් සිටිය දී එම තනතුර සඳහා දිනේෂ් වීරක්කොඩිගේ නම යෝජනා කිරීම නිසා ඒ සඳහා ජනාධිපති සහ අගමැතිවරයා අතර අර්බුදයක් නිර්මාණය විය.
මේ තත්ත්වය තුළ නන්දලාල් වීරසිංහ තවදුරටත් එම ධුරයේ කටයුතු කිරීමට ඔහු විසින් පසුගිය දා ප්රකාශ කර තිබිණි.
කෙසේ වුවද ඊයේ (21) වනතුරු ඊලඟ ධුර කාලය සඳහා නන්දලාල් වීරසිංහට මුදල් අමාත්ය අගමැතිවරයාගේ නිර්දේශය ලැබී නොතිබුණ බව ජනාධිපති ලේකම් කාර්යාල ආරංචි මාර්ග වැඩිදුරටත් සඳහන් කළේය.
