මිලි මීටර 200ට වඩා ධාරාණිපාත වර්ෂාවක් පිළිබඳ රතු නිවේදනයක් සහිතව අද (26 ) උදෑසන 05.30 ට පමණ කාලගුණ විද්යා දෙපාර්තමේන්තුව විද්යාත්මක පුරෝකථනයක් සිදුකර තිබේ.
උතුරු, උතුරු-මැද, නැගෙනහිර, මධ්යම ,ඌව සහ දකුණු පළාත්වලත් පුත්තලම දිස්ත්රික්කයේත් ඇතැම් ස්ථානවලට මි.මී.200 ට වැඩි ඉතා තද වැසි ඇතිවිය හැකි බවත් දිවයිනේ ඇතැම් ස්ථානවලට මිලි මීටර 100 ඉක්මවූ මහ වැසි සමග බොහෝ ප්රදේශ වල විටින් විට වැසි හෝ ගිගුරුම් සහිත ඇති වන බව කාලගුණ විද්යා දෙපාර්තමේන්තුව පවසයි.
උතුරු පලාතේ මුලතිව්, යාපනය, වව්නියා, මන්නාරම, කිලිනොච්චි දිස්ත්රික්ක සඳහාත්, නැගෙනහිර පළාතේ ත්රී කුණාමලය, වයඹ පළාතේ පුත්තලම, දිස්ත්රික්ක සඳහාත් මෙම අධික වර්ෂාව පිළිබඳව රතු නිවේදනය නිකුත් වී ඇත.
දිවයින වටා ගැඹුරු සහ නොගැඹුරු මුහුදු ප්රදේශවල පැයට කිලෝ මීටර 60 -70 පමණ දක්වා ක්ෂිනකව ඉහළ යා හැකි බව ද කාලගුණ විද්යා දෙපාර්තමේන්තුව පවසයි. මේ තත්ත්වය තුළ දිවයින වටා ගැඹුරු සහ නොගැඹුරු මුහුදු ප්රදේශවල ධීවර කටයුතුවලින් වැළකී සිටින ලෙස එම දෙපාර්තමේන්තුව දැනුම් දෙයි. තවද උතුරු පළාතට අද ඇතිවිය හැකි පැයට කිලෝ මීටර 60-70 දක්වා වූ තද සුළක් පිළිබඳ එම දෙපාර්තමේන්තුව අනතුරු අඟවයි. එම පළාතට හෙටත් මේ අවදානම් තත්ත්වය පවතිනු ඇත.
නිරිත දිග බෙංගාල බොක්ක මුහුදු ප්රදේශය ආශ්රිතව පැවති පීඩන අවපාතය නොවැම්බර් මස 25 දින රාත්රී 1130 පමණ වනවිට මඩකලපුව සිට කී.මී. 290 ක් සහ ත්රීකුණාමලයට කී.මී. 410 ක් පමණ එපිටින් ගිණිකොන දෙසින් පිහිටා ඇති තත්ත්වය තළ එය ඉදිරි පැය 12 තුළදී වයඹ දෙසට ගමන් කර ගැඹුරු පීඩන අවපාතයක් දක්වා වර්ධනය වෙමින් දිවයිනේ නැගෙනහිර වෙරළට ඉතා ආසන්නව ගමන් කරනු ඇතැයි බලාපොරොත්තුවන තත්ත්වය මේ කාලගුණ ව්යසනය ඇති කර තිබේ.
මෙම පද්ධතියේ බලපෑම හේතුවෙන් දිවයින පුරා බොහෝ ප්රදේශවල අහස වලාකුළින් බරව පවතිනු ඇත. උතුරු, උතුරුමැද , මධ්යම සහ නැගෙනහිර පළාත්වලත් හම්බන්තොට දිස්ත්රික්කයෙත් විටින් විට හමන පැ.කි.මී. (40-50) ක පමණ තරමක තද සුළං ඇතිවිය හැක.
