ධනුෂ්කගේ ක්රිකට් තහනම ඉවත් කරමින් ශ්රී ලංකා ක්රිකට් ආයතනය අධිකරණයට අපහාසයක් සිදුකර ඇති බව ක්රීඩා ඇමති රොෂාන් රණසිංහ පවසයි.
ඇමතිවරයා පෙන්වා දෙන්නේ ධනුෂ්ක ගුණතිලකට පසුගිය නොවැම්බර් මස සිට පනවා තිබු ක්රිකට් තහනම ඉවත් කිරීමට ශ්රී ලංකා ක්රිකට් ආයතනයට පුලුවන්කමක් නැති බවත් එම තහනම ඉවත්විය යුත්තේ අධිකරණය හරහා බවත්ය.
“අධිකරණයට කරුණු වාර්තා කරලා නීතිපති උපදෙස් එක්ක තමයි ඔහුට තහනම ක්රියාත්මක වුණේ. ඒ නිසා ඔහුගේ තහනම ඉවත් කරන්න නම් නැවත නීතිපති සමග සාකච්ඡා කරන්න අවශ්යයයි. අධිකරණයටත් කරුණු වාර්තා කරලා තමයි එහි ඉදිරි කටයුතු කරන්න ඕනේ. ඒ නඩුව තාම පවතිනවා.” ඇමතිවරයා කීවේය.
පසුගිය වසරේ 20යි විස්ස ලොක කුසලාන තරගාවලිය අතර තුරු තරුණියකට ලිංගික අතවර කිරීමේ චෝදනාව මත පසුගිය 06 වැනිදා සිඩ්නි පොලිිසිය විසින් අත් අඩංගුවට ගැනීමෙන් පසුව 2022 නෙවැම්බර් මාසයේ සිට ධනුෂ්ක ගුණතිලකට ජාත්යන්තර ක්රිකට් තහනමක් පැනවීමට ශ්රී ලංකා ක්රිකට් ආයතනය පියවරගෙන තිබුණි.
නඩුවෙන් ධනුෂ්ක ගුණතිලක නිදහස් වූ බැවින් ක්රිකට් ආයතනය අද (17) උදෑසන තම තහනම ඉවත්කිරීමට කටයුතු කළ අතර ඇමතිවරයා ප්රකාශ කළේ තහනම ඉවත් කළ ක්රමය අනීතික බවය.
