කාන්තාවකට ලිංගික අතවර කළ බවට එල්ල වූ චෝදනාවක් මත සිඩ්නි පොලිසිය විසින් ඊයේ අත්අඩංගුවට ගත් ශ්රී ලංකා ක්රිකට් කණ්ඩායමේ ආරම්භක පිතිකරු ධනුෂ්ක ගුණතිලකට ඇප ලබා දීම මීට සුළු මොහොතකට පෙර සිඩ්නි නුවර විවර්ලි අධිකරණයේදී ප්රතික්ෂේප වූ බව වාර්තා වේ.
ඊයේ අළුයම 1ට පමණ සිඩ්නි නුවර ශ්රී ලංකා කණ්ඩායම රැඳී සිටි හෝටලයට පැමිණි සිඩ්නි පොලිසියේ විශේෂ විමර්ශන ඒකකයේ කණ්ඩායමක් ධනුෂ්ක ගුණතිලක අත්අඩංගුවට ගත් අතර, පසුව පැරමෙටා අධිකරණයට වීඩියෝ තාක්ෂණය ඔස්සේ ඉදිරිපත් කළ අතර ඔහුට ඇප ලබාදීම ප්රතික්ෂේප කර තිබිණි. ඔහු අද සිඩ්නි නුවර විවර්ලි අධිකරණයට ඉදිරිපත් කරනු ලැබුවේ ඒ අනුවය.
සිඩ්නි නුවර රැඳවුම් මධ්යස්ථානයක සිට වීඩියෝ තාක්ෂණය ඔස්සේ සිඩ්නි නුවර විවර්ලි අධිකරණයට ඉදිරිපත් කළ ධනුෂ්ක අළු පැහැති ටී ෂර්ටයකින් සැරසී සිටි අතර, මංචු දමා තිබූ බව ද වාර්තා වේ.
ඔහු ඉතා සන්සුන්ව අධිකරණයට පෙනී සිටි බවත්, ඔහු වෙනුවෙන් පෙනී සිටි නීතිඥ ආනන්ද අමරනාත් ඔහුට ඇප නියම කරන ලෙස අධිකරණයෙන් ඉල්ලා සිටි බව සිඩ්නි ඒ.එෆ්.පී. පුවත් සේවය වාර්තා කළේය.
එහෙත් අධිකරණ විනිසුරු රොබර්ට් විලියම්ස් ඇප අයැදුම්පත විභාගයට ගැනීමට පෙර ඒ පිළිබඳ දැඩි අධ්යයනයක නිරතව ඇත.
නඩු විභාගය ජනවාරි 12ට කල් ගොස් තිබේ.
