ශ්රී ලංකා ක්රිකට් ක්රීඩක ධනිෂ්ක ගුණතිලක පසුගිය වසරේ නොවැම්බර් මස 02 දා ඔස්ට්රේලියානු කාන්තාවකට ලිංගික අතවර කළ බව කියන සිද්ධියට අදාළ දූෂණ චෝදනා හතරෙන් තුනක් ඉල්ලා අස්කරගෙන ඇති බව සිඩ්නි මෝනිං හෙරල්ඩ් වාර්තා කරයි.
32 හැවිරිදි ධනිෂ්ක ගුණතිලක පසුගිය වසරේ විස්සයි 20 ලෝක කුසලාන ගරතය අතරතුර සිඩ්නිහි ශ්රී ලංකා කණ්ඩායම රැඳී සිටි හෝටලයේදී ස්ත්රී දූෂණ සිද්ධියකට චෝදනා ලැබ අත්අඩංගුවට ගනු ලැබුවේය.
අද (18) යළි නඩුව කැඳවූ අවස්ථාවේ දී රජයේ නඩු කටයුතු අධ්යක්ෂ වෙනුවෙන් අභිචෝදක Hugh Buddin අධිකරණයට පැවසුවේ එක් බලහත්කාර ලිංගික සංසර්ග චෝදනාවක් සහතික කර ඇති නමුත් කැමැත්තෙන් තොරව ලිංගික සංසර්ගයේ යෙදුනු බවට ඉදිරිපත් වූ ඉතිරි චෝදනා තුන ඉල්ලා අස්කර ගත් බවයි.
මහේස්ත්රාත් ක්ලෙයාර් ෆර්නන් බලහත්කාර ලිංගික හැසිරිම පිළිබඳ සිද්ධි නිල වශයෙන් ගණන් කිරීම් ප්රතික්ෂේප කළේය.
පොලිසිය විසින් කරන ලද ප්රකාශය අනුව ඉතිරිව ඇති චෝදනාව වන්නේ ගුණතිලක “බලහත්කාර” ලිංගික සංසර්ගයේ යෙදී ඇති බවත්, එම කාලය තුළ “තත්පර 20ක් 30ක් ඇගේ ගෙල වටා එක් අතක් තබා ගෙල සිරකර තැබූ” බව යැයි මහේස්ත්රාත්වරයා කීවේය.
“පැමිණිලිකාරිය කිසිවක් කිරීමට බිය වුනා,” පොලිස් කරුණු කියාපාමින් කීවේ ඔහු තවත් දෙවතාවක් ඇගේ හුස්ම හිර කර ඇති බවය.
ගුණතිලක විසින් කාන්තාවගේ හුස්ම ගැනීම තත්පර හයකට නතර කළ බවට චෝදනා එල්ල වූ අතර, ඇය “චූදිතයාගේ මැණික් කටුව අල්ලාගෙන විත්තිකරුගේ අත ඉවත් කිරීමට උත්සාහ කළත්, විත්තිකරු තවත් තත්පර 10 ක් ඇගේ බෙල්ල තදින් මිරිකා තිබුණා. පැමිණිලිකාරිය ඇගේ ජීවිතය ගැන බියෙන් සිටි අතර විත්තිකරුගෙන් ගැලවීමට නොහැකි වූවා,” පොලිසිය චෝදනා කර තිබුණේය.
ධනිෂ්ක ගුණතිලක වෙනුවෙන් නීතිඥ ඇලන් සහිනොවික් පෙනී සිටියාය.
නඩුව යළි ජූලි 13 වනදා කැඳවීමට නියමිතය.
