වත්තේගම අධ්යාපන කලාපයේ කුණ්ඩසාලේ කොට්ඨාසයේ පිහිටි “කෙහෙළිය රඹුක්වැල්ල ප්රාථමික විද්යාල”යේ නම වෙනස් කර වහාම යළි වෙනත් නමකින් නම් කිරීම සඳහා මධ්යම පළාත් ආණ්ඩුකාර මහාචාර්ය එස්.බී.එස්. අභයකෝන් ඊයේ (17) අවසර ලබා දුන්නේය.
ඒ අනුව එම පාසල කුණ්ඩසාලේ රාජකීය ප්රාථමික විද්යාලය ලෙස නම් කර තිබේ.
මහනුවර ප්රදේශයේ පාසල්වලින් දූෂිත දේශපාලනඥයන්ගේ නම් ඉවත් කරන ලෙසට මහජනතාව කළ ඉල්ලීම්වලට අනුව පළාත් අධ්යාපන දෙපාර්තමේන්තුවේ ව්යුහාත්මක කමිටුව මගින් මෙම තීරණය ගෙන ඇත.
මීට පෙර ලංකා ගුරු සංගමයේ ප්රධාන ලේකම් ජෝසප් ස්ටාලින් කියා සිටියේ 1996 අධ්යාපන අමාත්යාංශයේ චක්රලේඛයක් මගින් තවමත් ජීවතුන් අතර සිටින පුද්ගලයින්ගේ නමින් පාසල් නම් කිරීම තහනම් කර ඇති බවයි.
