මනම්පිටිය නිමල් ජයරත්න –
දිඹුලාගල සිරිපුර නුවරගල ප්රදේශයේ, ප්රධාන පෙළේ ගංජා ජාවාරම්කරුවකු සතුව තිබූ රුපියල් ලක්ෂ දෙසීයක් පමණ වටිනා වාහන අද ( 20 ) සවස මුදල් විශුද්ධිකරන වැළැක්වීමේ පනත යටතේ දේපොළ ක්රියා විරහිත කිරීමේ නියමය අනුව, අත්අඩංගුවට ගත් බව පොළොන්නරුව කොට්ඨාස අපරාධ විමර්ශන කාර්යාංශය සඳහන් කරයි.
සැකකරුවා සතුව තිබු කුඩා ජේ.සී.බී, යන්ත්රයක්, මහ ට්රැක්ටරයක් ,ලොරියක්, ත්රීරෝද රථයක්, සහ යතුරුපැදි කීපයක් මෙහිදී අත්අඩංගුවට ගත් බව පොළොන්නරුව කොට්ඨාස අපරාධ විමර්ශන කාර්යාංශයේ උප පොලිස් පරීක්ෂක කේ.ටී.බණ්ඩාර සඳහන් කළේය.
2011 අංක 40 දරණ පනතේ සංශෝධිත 2006 අංක 05 දරන මුදල් විශුද්ධිකරණ වැළැක්වීමේ පනතේ 7 [1] වගන්තිය ප්රකාරව දේපළ ක්රියා විරහිත කිරීමේ නියමය අනුව මෙම වාහන තොගය අත්අඩංගුවට ගත් බව පොළොන්නරුව කොට්ඨාස අපරාධ විමර්ශන අංශය පවසයි.
මෙම සැකකරු දීර්ඝ කාලයක සිට ගංජා සහ මත්පැන් අලෙවි කර ඇති අතර ඔහුට විරුද්ධව අධිකරණයේ අපරාධ නඩු කිහිපයක් තිබෙන බවත්, ඔහු මෑතක ගංජා කිලෝ පහක්, මෝටර් රථයකින් ප්රවාහනය කරමින් සිටියදී සිරිපුර පොලිසිය මගින් අත්අඩංගුවට ගෙන පොළොන්නරුව අධිකරණයේ නඩු පැවරූ 43 වියති නුවරගල, සිරිපුර ප්රදේශයේ පදිංචි අයෙකු බවත් පොලිසිය සඳහන් කරයි.
සැකකාර පුද්ගලයා ගංජා, කසිප්පු ඇතුළු විවිධ මත්ද්රව්ය ප්රදේශයේ තොග සහ සිල්ලර වශයෙන් බෙදාහැර තිබෙන අතර ඉන් උපයාගත් මුදල්වලින් මෙම වාහන රැගෙන ඇති බවට පරීක්ෂණවලින් තහවුරු ඇති බවත් මුදල් විශුද්ධිකරණ වැළැක්වීමේ පනත යටතේ පොළොන්නරුව දිස්ත්රික්කයේ පළමු වැටලීම මෙය බවත්, අත්අඩංගුවට ගත් විශාලතම වටිනාකමකින් යුත් වාහන තොගය ද මේ වන බවත් කොට්ඨාස අපරාධ විමර්ශන අංශය පවසයි.
අත්අඩංගුවට ගත් රථ වාහන පොළොන්නරුව මහේස්ත්රාත් අධිකරණයට හෙට (21) ඉදිරිපත් කිරීමට නියමිත බව පොළොන්නරුව කොට්ඨාස විමර්ශන අංශයේ උප පොලිස් පරීක්ෂක ඒ.ටී. බණ්ඩාර අප කළ විමසීමකදී පැවසීය.
පොළොන්නරුව ජ්යෙෂ්ඨ පොලිස් අධිකාරී නිශාන් ද සිල්වා ගේ උපදෙස් පරිදි, පොළොන්නරුව සහකාර පොලිස් අධිකාරී චානක ද සිල්වා ගේ සහ කොට්ඨාශ අපරාධ විමර්ශන අංශයේ ස්ථානාධිපති, ජේ.පී.ආර්.කේ.ජාගොඩගේ, සිරිපුර පොලිස් ස්ථානාධිපති ජී.ආර්.ජී නෙත්තසූරියගේ මැදිහත්වීමෙන්, පොළොන්නරුව කොට්ටාස අපරාධ විමර්ශන අංශයේ ස්ථානාධිපති ඒ.ටී.බණ්ඩාරගේ මෙහෙයවීමෙන්, පොලිස් සැරයන්, 42229 රංග,පොලිස් සැරයන් 71750 චින්තක, 68973 අතාවුද, පොලිස් කොස්තාපල් 84707 කුලතුංග, පොලිස් කොස්තාපල් 65318 සිල්වා, පොලිස් කොස්තාපල්, 34973 නිශ්ශංක, ඇතුළු පොලිස් නිලධාරීන් පිරිසක් මෙම වැටලීම සිදුකළහ.
