ලලිත් චාමින්ද –
දැන් පහරදෙන්නේ මැති ඇමැතිවරුන්ගේ නායකයින්ගේ පඹයන්ට බවත් රජයක් වශයෙන් නිවැරදි තින්දු තිරණ නොගතහොත් නුදුරේදි ජිවමාන උදවියටත් ඒ පොලුපහර කන්නට විය හැකි බවත් පොදුජන පෙරමුණේ ගාල්ල දිස්ත්රික් පාර්ලිමේන්තු මන්ත්රි චන්දිම විරක්කොඩි පවසයි.
ඔහු මේ බව සදහන් ඊයේ ගාල්ලේ දි ඊයේ (23) පැවති මාධ්ය හමුවක් අමතමිනි.
හෙතෙම මෙසේද කිවේය.
ජනතාවට ඉටකරන්න බැරි බලාපොරොත්තු දෙන, පොරොන්දු දෙන ඉටුකරන්න බැරිවිශාල සිහින පෙන්වන කුමන රජයක් බලයට ආවත් ඒවා නැවැත්විය යුතුයි. ජනතාවට මිනිසුන්ට යථාර්වාදිව කරුණු පැහැදිලිකරන්න රජය කටයුතු කළයුතුයි. මන්ත්රිවරුන්ට ඇමතිවරුන්ට වඩා ජනතාව බුද්ධිමත්. රජයක් හැටියට ඇත්ත ඇති සැටියෙන් ජනතාවට කිවයුතුයි.
මේ අවස්ථාවේ දි ජනතාවට දැනෙන ප්රධාන ප්රශ්නය තමයි ජිවත්වීමේ ප්රශ්නය. ජිවන වියදම් ප්රශ්නය. ජිවන වියදම අතිවිශාල ලෙස වැඩිවෙලා. නොසිතුලෙස ගෑස්මිල දෙගුණයක් වුනා. තේ කොප්පයේ සිට බත්පැකැට්ටුව දක්වා මිලවැඩිවුනා. පොහොර නොමැතිකම නිසා ගොවින් අසරණ වෙලා. තේ ගොවින්ගේ අස්වැන්න සියයට පනහකින් පමණ අඩුවෙලා. එළවළු ගොවින්ගේ අදායම අඩුවෙලා. සංචාරක කර්මාන්තයේ නිරතවුවන්ගේ රැකියා අහිමිවෙලා.
ජිවන වියදම් ප්රශ්නයට විසඳුමක් ලබාදිම රජය හමුවේ තියෙනවා. ලෝකයේ වෙනස්වන තෙල්මිල සමග අපිත් මිල වෙනස්වන යාන්ත්රණයක් සුත්රයක් ඉදිරිපත්කළ යුතුයි කියා රජය මේ අවස්ථාවේ දි කිවහොත් ජනතාව එය පිළිගන්නේ නැහැ. ජනතාව අපිට වෛර කාරවි. සමච්චලයට ලක්කාරාවි. මිට මාස කිහිපයකට පමණ කලින් ලෝකයේ අවම තෙල්මිල වාර්තා වන විට අපි රජය හැටියට කිවා තෙල්මිලෙන් ලබන ලාභය අනාගතයේ තෙල්මිල වැඩිවු අවස්ථාවක ජනතාවට සහන ලබාදිම සදහා ඉතිරි කිරීමේ වැඩපිළිවෙළක් රජයට තියෙනවා කියලා. අද ඒ සහනය ලබාදේවි කියලා ජනතාව බලාපොරොත්තුවෙන් ඉන්නවා.
මන්ත්රිවරයා පැවසුවේය.
