ඊශ්රායලය බදාදා දකුණු ලෙබනනයේ ප්රධාන නගරයක් වන Nabatieh හි නාගරික මූලස්ථානයට එල්ල කළ ගුවන් ප්රහාරයකින් එම නගරයේ නගරාධිපති අහමඩ් කාහිල් සහ අවම වශයෙන් තවත් පස් දෙනෙකු මිය ගොස් ඇති බව රොයිටර් වාර්තා කරයි.
ලෙබනනයේ සෞඛ්ය අමාත්යාංශය පැවසුවේ පුද්ගලයන් හය දෙනෙකු මියගොස් ඇති බවත් නගරාධිපතිවරයාගේ මරණය අභ්යන්තර කටයුතු අමාත්යවරයා විසින් තහවුරු කර තිබෙන බවත්ය.
ඉරානයේ පිටුබලය ලබන හිස්බුල්ලා සංවිධානය විනාශ සඳහා සැලසුම් කරන ලද ඊශ්රායලයේ ගුවන් මෙහෙයුමට මෙතෙක් දකුණු ලෙබනනයේ ඉතිරි වී ඇති රාජ්ය නිලධාරීන් සහ ගොඩනැගිලිද වැඩි වැඩියෙන් ඇතුළත් වනු ඇතැයි යන බිය මෙම ප්රහාරයෙන් පසු මතුව තිබේ.
ලෙබනනයේ භාරකාර අගමැති නජීබ් මිකාටි පළාත් අගනුවරට එල්ල වූ ප්රහාරය හෙළා දකිමින් කියා සිටියේ “නගරයේ සේවා සහ සහන තත්ත්වය පිළිබඳව සාකච්ඡා කිරීම සඳහා කැඳවු නගර සභා රැස්වීමක් ඊශ්රයාලය හිතාමතාම ඉලක්ක කර ගත්” බවය.
එය සති දෙකකට පසු ලෙබනන් රාජ්ය ගොඩනැගිල්ලකට එල්ල වූ වඩාත්ම ප්රබල ඊශ්රායල ප්රහාරය වූයේය. ඉහළ යන මරණ සංඛ්යාව සහ කලාපයේ සමස්ත යුද්ධයේ බිය පිළිබඳව එක්සත් ජනපදයේ කනස්සල්ල නොතකා එම ප්රහාරය එල්ල වී තිබේ.
ඊශ්රායලය දස දහස් සංඛ්යාත ජනතාවක් වෙසෙන නගරයක් වන Nabatieh සඳහා ප්රථම වරට ඉවත් වන ලෙස කරන ලද දැන්වීමකින් අනතුරුව ඊශ්රායල හමුදාව කියා සිටියේ තමන් Nabatieh ප්රදේශයේ හිස්බුල්ලා ඉලක්ක දුසිම් ගනනකට පහර දී භූගත කඳවුරු බිඳ දැමූ බවය. මෙම ප්රහාර සදහා භූමියේ සිටින හමුදා සහයෝගය ද ලබා ගත් බව ඊශ්රයාලය කීවේය.
ඊශ්රායලය දැන් දකුණු ලෙබනනයේ හිස්බුල්ලා සහ ගාසා තීරයේ පලස්තීන සටන්කාමීන් හමාස් සමඟ සටන් කරයි. අද මෙම ප්රහාරයට පෙර අවම වශයෙන් එක් ඊශ්රායල ගුවන් ප්රහාරයක් ලෙබනනයේ අග නගරයවන බේරූට් හි දකුණු තදාසන්න ප්රදේශවලට පහර දුන් බව රොයිටර් සාක්ෂිකරුවන් පැවසීය.
කෙසේ වෙතත් මේ වනවිට ඊශ්රයාලය ලෙබනනයේ අග නුවරවන බීරූට් ද සිය ඉලක්කයක් කරගෙන තිබේ. ඊයේ ඇමරිකානු රාජ්ය දෙපාර්තමේන්තු ප්රකාශක මැතිව් මිලර් පැවසුවේ, මෑතදී බේරූට් වෙත එල්ල වූ ප්රහාර සම්බන්ධයෙන් එක්සත් ජනපදය අගමැති බෙන්ජමින් නෙතන්යාහුගේ පරිපාලනයට සිය කනස්සල්ල ප්රකාශ කර ඇති බවය.
