තැපැල් වර්ජනය නිසා තාවකාලික පාඩුවක් සිදු වුවද දින කීපයක් ඉවසා මේ අවස්ථාවට මුහුණ දී තැපෑල සම්බන්ධව පැන නැගී ඇති ගැටලුවට ස්ථිර විසඳුමක් සොයා නොගතහොත් තැපෑල දියුණු කළ නොහැකි බවත් ඇඟිලි සලකුණු යන්ත්රය හඳුන්වා දීම සහ තැපෑල සඳහා මෙතෙක් පැවති අතිකාල දීමනා ක්රමය වෙනස් කිරීමට රජය ගෙන ඇති තීරණය මත ස්ථිරසාරව පිහිටන බවත් සෞඛ්ය සහ ජනමාධ්ය අමාත්ය වෛද්ය නලින්ද ජයතිස්ස අද (21) පාර්ලිමේන්තුවේ දී පැවසුවේය.
පසුගිය වසර තුළ පමණක් බිලියන 04ක පාඩුවක් දැරූ තැපෑල මේ වැටුප් වර්ධනයන් සමග බිලියන 7-8ක පාඩුවක් ලැබීම වළක්වාගෙන රජය වැය කරන මුදලට අදාල රාජ්ය වගකීම සහතික කිරීම සඳහා මධ්යම තැපැල් හුවමාරුවට ඇඟිලි සලකුණු යන්ත්ර හඳුන්වාදීම අනිවාර්යයෙන් සිදුකරන බව ඇමතිවරයා වැඩිදුරටත් පාර්ලිමේන්තුවට සහතික වුනේය. ඇමතිවරයා පැවසුවේ මධ්යම තැපැල් හුවමාරුවේ ඇතැම් සේවකයින් ලබා ගන්නා අතිකාල දීමනා හෙළි කළහොත් එම නිලධාරින්ම ලජ්ජාවට පත්වන බවය.
ශ්රී ලංකා මුස්ලිම් කොංග්රසයේ පාර්ලිමේන්තු මන්ත්රී එස්.ඒම් දුමාල් ලෙබ්බේ විසින් අසන ලද ප්රශ්නයකට දීර්ඝ පිළිතුරක් ලබා දෙමින් ඇමති නලින්ද ජයතිස්ස මෙසේද පැවසුවේය.
“තැපැල් වර්ජනය නිසා ජනතාවට තාවකාලිකව පාඩුවක් වෙනවා. මගහැරීම් වෙනවා. ප්රමාදයන් වෙනවා. ඒ් අවස්ථාවේ දී පෞද්ගලික අංශයේ කුරියර් සේවා මිල වැඩිකිරීම් කරලා ප්රයෝජන ගන්න ඉඩ කඩ තියනවා. ඒ සියල්ල තිබිය දී මේ ප්රශ්නය නිරාකරණය කරගන්න නම් යම් දවස් කීපයකට ඉවසලා මේ මධ්යම තැපැල් හුවමාරුවේ ප්රශ්නයට උත්තරයක් ලබා දෙන්න ඔ්න.
දැන් ඔබතුමා අහපු ප්රශ්නයට මම කිව්වා බඳවා ගැනීම් නතර කරලා තිබුණ ආදේශකයින් 1000ක් ස්ථිර කරන්න කටයුතු කරන් යනවා. තව ආදේශකයින් 1000ක් බඳවා ගන්නවා. මීට අමතරව බඳවා ගැනීම් රාශියක් සිද්ධ වෙනවා අගමැති කමිටුවේ අනුමැතිය දීලා තියන නිසා. මිලියන් 250ක වාහන ගන්න කටයුතු කරනවා. නව තැපැල් කාර්යාල මිලදී ගන්නවා. රිනවේෂන්වලටත් මුදල් යොදලා තියෙන්නේ. නවීකරණය කරනවා තැපැල් පද්ධතිය. මෙහෙම කරමින් තිබිය දී තමයි මේ වර්ජනය එන්නේ.
මෙතන ඉන්නේ කවුද? ශ්රි ලංකා නිදහස් වෘත්තීය සමිති, එක්සත් ජාතික වෘත්තීය සමිති, සමගි තැපැල් වෘත්තීය සමිති, දන්නවා පක්ෂ මොනවද කියලා. මේ අය ඒකතු වෙලා අද මේ තැපෑලෙ වැඩ කටයුතු යම් ප්රමාණයකින් නතර කරලා තියනවා. විශේෂයෙන්ම මධ්යම තැපැල් හුවමාරුවේ ප්රධාන ඉල්ලීම් දෙකයි.
එකක් රාජ්ය සේවයේ පොදු පිළිගත්ත අතිකාල පිළිගන්න බෑ.. ඊට වඩා වැඩියෙන් දෙන්න කියලා. ඒ්ක කරන්න බෑ. එතන අතිකාල ගන්න විදිහ කතා කළොත් ගරු මන්ත්රී තුමා ඒ් තැපැල් සේවකයො ලජ්ජාවට පත් වෙනවා. ඒ් නිසා ඒ් අතිකාල රජය තීන්දු කළ විදිහට ඒ් ප්රමාණය තමයි ලබා දෙන්න වෙන්නේ.
ඒ් වගේම අතිකාල වැඩි කරලා තිබිය දී අතිකාල දෙන්න යනකොට ෆින්ගර් ප්රින්ට් එක ඔ්න. තැපෑලෙම ඉන්න සේවකයො පාලන කාර්යාලවල කට්ටිය ෆින්ගර් ප්රින්ට් ඒක පාවිච්චි කරනවා. ඇයි මධ්යම තැපැල් හුවමාරුවේ ඒ්ක පාවිච්චි කරන්න බැරි. ඒ් නිසා මේ ෆින්ගර් ප්රින්ට් එක අපි අනිවාර්යයෙන් ක්රියාත්මක කරනවා. ඒ් නිසා ඔබතුමාලගේ පැත්තෙනුත් මේ ප්රශ්නය ඉදිරිපත් කළා වගේම මේක රජයේ සේවයට ඇතුළත් වෙලා ඉන්නවා නම් වැඩිවෙලා තියන අතිකාල පිළිගන්න.
උදාහරණයක් කියන්නම්. දෙවැනි පෙළ තැපැල් නිලධාරියෙකුගේ රුපියල් 168ට තිබුණ ඔ්ටී පැය රුපියල් 237ට වැඩි කරලා තියෙන්නේ. දෙවන පෙළඹ ජ්යෙෂ්ඨ නිලධාරියෙකුගේ රුපියල් 257ට තිබ්බ ඔ්ටී පැය රුපියල් 370ට වැඩි කරලා තිබෙන්නේ. සාපේක්ෂව හැමෝටම වැඩි වෙලා. මෙහෙම වැඩි කරලා භාණ්ඩාගාරයේ මුදල් වියදම් කරනකොට ඒ්කට අපට වගකීමක් තියෙන්න ඔ්න.
මේවා ගණන් හදන්නේ 2027 ජනවාරිවල අතට ලැබෙන මූලික වැටුපට. අප්රේල් මාසේ ඉඳන් ඔ්ටී ඒක ගණන් හදන්නේ එහෙමයි. ඊටත් වඩා වැඩිපුර ඔ්ටී ඉල්ලනවා නම් ඒ්ක දෙන්න හැකියාවකුත් නෑ. වැඩි කළ ඔ්ටී ඒක දෙනකොට රජයට වගකීමක් තියෙන්න ඔ්න. ඒ් නිසයි ෆින්ගර් ප්රින්ට් මෙෂින් එක මෙතෙන්ට ගේන්න උත්සාහ කරන්නේ.
මේක කොහොම හරි කරනවා. ඒ් නිසා මේ පාඩුව පොඩ්ඩක් දරාගෙන මේකට මුහුණ දෙමු. මේකට මේ වෙලාවෙ මුහුණ දුන්නොත් මේක නිරාකරණය කරගන්න පුලුවන්. මොකද ගිය අවුරුද්දෙත් 2024දිත් අපි රුපියල් බිලියන 4ක්, ඒ් කියන්නේ මිලියන 4000ක් භාණ්ඩාගාරයෙන් වැඩිපුර අරන් තියනවා තැපැල් දෙපාර්තමේන්තුවට.
මේ වැටුප් වැඩිවීමත් එක්ක හරියට මේ වැඩේ කළේ නැතිනම් සහ ඔ්ටී අනවශ්ය විදිහට පාවිච්චි කරගත්තොත් ඒ් පරතරය තව වැඩි වෙනවා. බිලියන 7 -8කට යන්න පුලුවන්කමක් තියනවා. තැපැල් දෙපාර්තමේන්තුව මහන්සිවෙලා උපයන මුදලින් සියයට 70කට වඩා වියදම් කරන්නේ වැටුප්වලට සහ අතිකාලවලට. මේ වැඩේ කරගන්න බෑ.
මේ වෙලාවේ කුරියර් සේවාවන් යම් ලාබයක් ගන්න ඉඩක් තියනවා. මේ වෙලාවේ මේ ප්රශ්නය නිරාකරණය කරගත්තොත් තැපෑල හොඳ තැනකට ගේන්න පුලුවන්.
