කොළඹ – දිලංගා ගෝමස් –
ධීවර හා ජලජ සම්පත් දෙපාර්තමේන්තුවේ කොළඹ දිස්ත්රික් කාර්යාලයේ නිලධාරීන්ට ලද තොරතුරකට අනුව වෙරළාරක්ෂක දෙපාර්තමේන්තු නිලධාරීන්ගේ සහාය ඇතුව ඊයේ (31) රාත්රී දෙහිවල ප්රදේශයේ දී සිදු කරන ලද වැටලීමකදී තහනම් කාල සිමාව තුල පොකිරිස්සන් ධීවර මෙහෙයුම් සිදු කළ හා බිත්තර සහිත කටු පොකිරිස්සන් 440 ක් සන්තකයේ තබාගත් පුද්ගලයින් දෙදෙනෙකු අත්අඩංගුවට ගෙන අද (01) ගල්කිස්ස අතිරේක මහේස්ත්රාත් අධිකරණයට ඉදිරිපත් කරන ලදී.
දෙහිවල ප්රදේශයේ නිවසක ටැංකි කිහිපයක මෙම බිත්තර සහිත කටු පොකිරිස්සන් රඳවා සිටි අතර රඳවා සිටි පොකිරිස්සන් හාරසිය හතලිහ ධීවර හා ජලජ සම්පත් දෙපාර්තමේන්තුවේ නිලධාරීන්ගේ අධීක්ෂණය යටතේ නැවත මුහුදට මුදා හරින ලෙසත් පොකිරිස්සන් මුදාහරින ආකාරය වීඩියෝ ගත කර ඉදිරි දිනයේදී එම දර්ශන අධිකරණයට ඉදිරිපත් කරන ලෙසටත් ධීවර නිලධාරීන්ට අතිරේක මහේස්ත්රාත්වරයා නියෝග කළේය.
අත්අඩංගුවට පත් සැකකරුවන් දෙදෙනා රුපියල් ලක්ෂ 5 ක ශරීර ඇප දෙකක් මත මුදා හැරීමට අතිරේක මහේස්ත්රාත්වරයා නියෝග කළේය.
නැවත මෙම නඩුව ජනවාරි මස 24 දින කැදවීමට නියමිතය
