ශ්රියානි විජේසිංහ –
අවුරුදු 12 -13 වයසේ පසුවන දරුවන් පාසල් හැරයාමේ ප්රවනතාවක් වැඩිවෙමින් පවතින බව පාසල් කටයුතු භාර ප්රජාවෛද්ය විශේෂඥ අයේෂා ලොකුබාලසූරිය සඳහන් කළාය.
කොළඹ නගරගයේ ඇතැම් ප්රදේශවල පාසල්වල පිරිමි දරුවන්ගේ පැමිණීම ඉතා අවම මට්ටමක පවතින බව කරන ලද සොයා බැලීම්වලදී හෙලිව ඇතැයිද පෙන්වාදෙන විශේෂඥවරිය දැනට පවතින ආර්ථික ගැටලු හේතුවෙන් දරුවන් දෙමාපියන්ගේ කැමැත්ත මත සුළු සුළු රැකියාවන්ගේ නියුතු වීම මෙයට ප්රධාන හේතුව බව ඇය පෙන්වාදේ.
කොළඹින් පිට ප්රදේශයන් හි දරුවන්ද සැලකිය යුතු පිරිසක් පාසල් ගමන නතර කර ඇත්තේ පාසල වෙත පැමිණීමට බස්ගාස්තුව සොයා ගැනිමට නොහැකි බැවින් යැයි කරන ලද සොයා බැලීමේදී හෙළි විනැයි වෛද්ය බාලසූරිය පැවසුවාය.
මූල්යමය ආධාරයක් හෝ ලබා දී දරුවන් පාසල වෙත ගෙන්වා ගැනීම සදහා අධ්යාපන අමාත්යංශය සමග සාකච්ඡා කර අරමුදලක් ඇතිකිරිම කෙරෙහිද අවධානය යොමුව ඇතැයි ඇය පවසයි.
පාසල් හැර ගොස්ඇති දරුවන් නැවත පාසල වෙත ගෙන්වා ගැනීමට නොහැකි නම් එම දරුවන්ට වෙනත් වෘත්තීය පුහුණුවක් හෝ ලබා දීමට කටයුතු කළ යුතු බවත් එසේ නොවුවහොත් රටේ අනාගත පරපුර විනාශ වනු ඇති බවත් ඇය පෙන්වා දුන්නාය.
දරුවන්ට නිසි අධ්යාපනයක් ලබා නොදුනහොත් නිවෙස් තුළ දෙමාපියන්ට තනිවීමට සිදුවනු ඇති බවද වෛද්ය අයේෂා ලොකුබාලසූරිය කීවාය.
