දිනසේන රතුගමගේ –
ඉන්දියාවේ මනිපූර් සිට චෙන්නායි හරහා තලෙයිමන්නාරමට රැගෙන ඒමට සූදානම් කොට තිබූ රුපියල් කෝටි දහයක් පමණ වටිනා අයිස් (methamphetamine) කිලෝ ග්රෑම් 67 ක තොගයක් සමග සැකකරුවන් දෙදෙනෙකු තමිල්නාඩු පොලීසිය විසින් ඊයේ (23) සවස අත් අඩංගුවට ගෙන තිබේ.
අත් අඩංගුවට පත් දෙදෙනා යාපනයේ ව්යාපාරිකයෙකු හා ඉන්දියාවේ තමිල්නාඩුවේ ව්යාපාරිකයෙකි.
මෙම මත්ද්රව්ය තොගය ඉන්දියාවේ මනිපූර් ප්රදේශය වෙත රැගෙන විත් ඇත්තේ මියන්මාරයේ සිට බෝට්ටුවකින් බවට සකකරුවන් දෙදෙනා තමිල්නාඩූ පොලීසියට ප්රකාශ කොට ඇත.
එතැන් සිට තවත් බෝට්ටුවකින් මනිපූර් සිට තලෙයිමන්නාරම දක්වා ප්රවාහනය කිරීමට සූදානම්ව තිබියදී තමිල්නාඩු පොලිසියට ලැබුණු තොරතුරක් මත ඔවුන් එම බෝට්ටුව පරීක්ෂා කොට මෙම මත්ද්රව්ය තොගය අත් අඩංගුවට ගෙන තිබේ.
ඉන්දීය මධ්යම රජයේ රේගු දෙපාර්තමේන්තුව සහ ඒ යටතේ ඇති යටතේ ඇති TRI ආයතයේ නිලධාරීන් මෙම මත්ද්රව්ය විශේෂය පරීක්ෂා කිරීම පිණිස තමිල්නාඩුවට ගොස් තිබේ.
සැකකරුවන් දෙදෙනාගෙන් තමිල්නාඩු පොලිසිය තවදුරටත් ප්රශ්න කරගෙන යයි.
