සූරියවැව නුවන් ජයසේකර –
-
දැරියගේ පාසල් පෙම්වතා ඇයව නිවසකට රැගෙන ගොස් දැරියට මත් පැන් පොවා මිතුරන් සමග සමූහ දූෂණය කර එය වීඩියෝ කරලා… වීඩියෝව පෙන්වමින් දැරිය බිය ගන්වා නැවත නැවත සමූහ දූෂණය කරලා…
-
දූෂකයින් අතර ප්රදේශයේ ගුරු උපදේශකයෙකුගේ සහ ගුරුවරියකගේ දරුවෙක් සිටින නිසා පාසලේ විනය කමිටුව සහ විදුහල්පති සිද්ධියට කිසිම පියවරක් නොගෙන යට ගහලා…
-
සිද්ධිය වසන් කළ විදුහල්පතියට සහ පාසල් විනය කමිටුවටත් වැඩ වරදින ලකුණු
තණමල්විල ප්රධාන පාසලක 11 වන ශ්රේණීයේ ඉගෙනුම ලබන සිසුවියක වසරක් තිස්සේ අවස්ථා හතකදි සිසුන් 22කු එක්ව බලහත්කාරයෙන් මත් පැන් පොවා සමූහ ලෙස දූෂණය කළ බවට දැරිය විසින් තණමල්විල පොලිසියට ප්රකාශයක් ලබා දී තිබේ.
එම සිදුවිම පාසලේ විදුහල්පති වරයා, විනය කමිටුව හා සිසුන්ගේ දෙමාපියන් කිහිප දෙනෙනකුද එක්ව වසන් කර ඇති බවත්, සිද්ධියට සම්බන්ධ සිසුන් හා පුද්ගලයන් සොයා පොලිස් විමර්ශන ආරම්භ කර ඇති බවත් තණමල්විල පොලිසිය කියයි.
තණමල්විල ප්රසිද්ධ පාසලක 11 ශ්රේණියේ ඉගෙනුම ලබන දැරියක සමූහ දූෂණයට ලක්ව ඇති බවට තණමල්විල පොලිස් ස්ථානාධිපති වරයාට ලද තොරතුරක් මත ස්ථානාධිපතිවරයා විසින් සිදුකළ මුලික විමර්ශනයක දී මෙම කරුණු අනාවරණය කරගෙන තිබේ. ඒ අනුව අදාල දැරිය පොලිස් ස්ථානයට කැඳවා සිදුකළ විමසීමේ දී අදාල දැරිය විසින් මේ සම්බන්ධයෙන් ප්රකාශයක් පොලිසියට ලබා දි තිබේ.
අපයෝජනයට පත් සිසුවිය එම පාසලේම සිසුවෙකු හා මිතුරුකමක් පවත්වාගෙන ඇති අතර එම සිසුවා විසින් මෙම දැරිය රවටා යහළුවෙකුගේ නිවසකට රැගෙන ගොස් එහි සිටි තවත් සිසුන් කිහිප දෙනෙකු සමග මෙම දැරියට බලහත්කාරයෙන් මත් පැන් පොවා සමූහ ලෙස දූෂණය කර එය වීඩියෝ ගත කර ඇත.
පසුව එම සැකකාර සිසුන් විසින් මෙම වීඩියෝ පටය දැරියට පෙන්වා වසරක් තිස්සේ අවස්ථා හතකදී එම පාසලේම සිසුස් 20 දෙනෙකු හා ප්රදේශයේ වෙනත් පාසැල් දෙකක් සිසුන් දෙදෙනෙකු ඇතුළු සිසුන් 22කු එක්ව සමූහ ලෙස දූෂණය කර තිබේ.
එහි ආසන්නතම සිදුවිම පසුගිය දින සිදුව තිබුණේ කිරිඳිගඟ අසලදිය. එහිදී සිසුන් 07 දෙනෙකු එක්ව මෙම දැරිය කිරිඳිගඟ අසලට රැගෙන ගොස් සමුහ ලෙස දූෂණය කර එයද වීඩියෝගත කර තිබේ.
එම සිදුවිම පිළිබදව මුලින්ම පාසලේ විදුහල්පති වරයා ඇතුළු විනය කමිටුවටද අනාවරණය වි ඇත. ඒ අනුව විදුහල්පති වරයා ඇතුළු පාසලේ විනය කමිටුව විසින්ද සිසුවිය හා අදාල සිසුන්ද ගෙන්වා කරුණු විමසා පාසලට කැළලක් වන නිසා මෙම සිදුවීම යටපත් කර තිබේ.
මෙම සැකකාර සිසුන් පිරිස අතරින් එක් සිසුවෙකුගේ පියෙකු තණමල්විල කලාපයේම ගුරු උපදේශක වරයෙකු වන අතර මවද පාසැල් ගුරුවරියක වෙයි. මේ හේතුව නිසාම සිද්ධියට අදාලව නිතිමය පියවර නොගෙන විදුහල්පතිවරයා ඇතුළු විනය මණ්ඩලය විසින් දෙමාපියන්ගෙන් හා සිසුන්ගෙන් ලියුම් රැගෙන සිද්ධිය යටපත් කර ඇත්තේ ඊට කිසිදු නීතිමය පියවරක්ද නොගෙනය.
මේ වන විට පොලිසිය විසින් සිදුකර ඇති මුලික විමර්ශන වලදි අනාවරණය වි ඇත්තේ මෙම සැකකාර සිසුන් විසින් වෙනත් පාසැල්වල ක්රීඩා තරග වලට ගිය අවස්ථාවන් වලදී වැසිකිළි තුළ හා ක්රිඩා විවේකාගාර තුළදී ,විවිධ සිසුන්ගේ නිවෙස් තුළදී හා කිරිදිගඟ අසල කැලෑ තුළදී ද මෙම දූෂණ සිදුකර ඇති බවයි.
කෙසේ නමුත් මේ වන විට සිද්ධිය සම්බන්ධයෙන් විදුහල්පති වරයා ඇතුළු කිහිප දෙනෙකුගෙන්ම ප්රකාශ සටහන් කරගෙන ඇති අතර එම ප්රකාශ විමර්ශනය කිරිමෙන් අනතුරුව සිද්ධියට සම්බන්ධ සිසුන් 22 ඇතුළු ඊට ආධාර අනුබල දුන් සියළු දෙනා අත්අඩංගුවට ගෙන නීතිමය පියවර ගන්නා බව අප කළ විමසිමකදි තණමල්විල පොලිස් ස්ථානාධිපති වරයා පැවසුවේය.
මොණරාගල කොට්ඨාසභාර ජ්යෙෂ්ඨ පොලිස් අධිකාරී බුද්ධි උඩුගමසූරිය ගේ උපදෙස් පරිදි තණමල්විල මුලස්ථාන පොලිසියේ ස්ථානාධිපති ප්රධාන පොලිස් පරික්ෂක ඩී.එම්.පී.බණ්ඩාර ඇතුළු නිළධාරීන් කණ්ඩායමක් විසින් වැඩිදුර විමර්ශන පවත්වයි.
