කොවිඩ් -19 වෛරසයේ ඩෙල්ටා ප්රභේදයේ ආසාදනය වූවන්ගෙන් සියයට 74ක් විසින් සෙසු පුද්ගලයන්ට පතුරවනු ලබන්නේ තමන්ට කිසිදු රෝග ලක්ෂණයක ලකුණක්වත් නොපවතින මට්ටමක බව පර්යේෂකයෝ පවසති.
ද නේචර් සඟරාවට මෙම නවතම පර්යේෂණ තොරතුරු ලබා දී ඇත. හොංකොං සරසවියේ පර්යේෂකයෙක් පවසන්නේ ඩෙල්ටා ප්රභේදයේ ආසාදිතයන්ට රෝග ලක්ෂණ මතුවන්නේ ආසාදනය වී සය වැනි දිනයේ බවත් ආසාදිතයකු බවට හඳුනා ගත හැකි මට්ටමට වෛරස මට්ටම වැඩිවිමෙන් පසුව ඔවුන් තුළ රෝග ලක්ෂණ පහළ වීමට දින දෙකක පමණ කාලයක් ගත වන බවත් මෙම පර්යේෂකයන් විසින් සිදුකරන ලද පර්යේෂණයකදී අනාවරණය වී තිබේ.
මෙම තත්ත්වය මත කල් ඇතිව රෝගීන් හඳුනාගැනීම අසීරු බවත් වේගයෙන් පැතිරෙන මෙම වෛරස ප්රභේදයේ පැතිරීම තීව්ර කිරීමට එයද හේතුවක්ව ඇති බවත් මෙම පර්යේෂණය සිදු කළ හොංකොං විශ්ව විද්යාලයයේ බෙන්ජමින් කොව්ලින්ග් චීනයේ ග්වැන්ග්ෂු පළාතේ ඩෙල්ටා පැතිරීම පිළිබඳව අධ්යයනය කරමින් මේ බව අනාවරණය කර තිබේ.
මෙම පර්යේෂකයන් ඩෙල්ටා ප්රභේදය පැතිරෙන්නට පෙර මූලික කොවිඩ් වයිරසය සම්බන්ධයෙන් හඳුනාගෙන තිබුණේ යමකු තුළ රෝග ලක්ෂණ පහළ වීමෙන් දින 7ක් පමණ ගත වූ පසුව රෝග ලක්ෂණ පහළ වුවද ප්රතිදේහ පරීක්ෂාවේදී වෛරසයක් ආසාදනය වී ඇති බව තහවුරු කර ගත හැකි මට්ටමට පත්වන්නට දින 6ක පමණ ගත වන බවය.
කෙසේ වුවද ප්රමාණවත් වෛරස ධාරිතාවක් සිරුරට ඇතළු වී දිනක් තුළ රෝග ලක්ෂණ පහළ වුවද ඩෙල්ටා වෛරසය එවැනි මට්ටමකට පත්වීමට දින දෙකක් ගතවීම තවදුරටත් රෝගය පැතිරවීමට හේතුවක්ව මෙම පර්යේෂකයෝ පෙන්වා දෙති.
එසේම හොංකොං පර්යේෂකයන් විසින් අනාවරණය කරගෙන ඇති තවත් කරුණක් වන්නේ ඩෙල්ටා වෛරසය දරන්නන්ගේ සිරුරු තුළ පවතින වෛරස ධාරිතාවද සාපෙක්ෂව ඉහළ බවය. මේ ත්තත්වය හේතුවෙන් සාමාන්යෙයන් ඩෙල්ටා වෛරස දරන්නන්ගෙන් සියයට 74ක් ම රෝගය පතුරුවන්නේ තමන්ට කිසිදු රෝග ලක්ෂණයක ඉවක්වත් නොදැනෙන කාලවකවානුවකදී බව මෙම පර්යේෂකයෝ පවසති.
ද නේචර් සඟරාවට මේ අනාවරණයන් පිළිබඳව අදහස් දක්වන සිංගප්පූරුවේ බෝවන රෝග පාලන ඒකකයේ වෛද්ය විශේෂඥයකු වන බානබී යන්ග් පවසන්නේ ඩෙල්ටා වෛරසයේ පවතින මෙම විෂමතා හෙතුවෙන් එය ලොව පුරා පරීක්ෂණ ඇස්වලට වහන් වී වේගයෙන් ව්යාප්ත වන බවය.
කෙසේ වුවද එන්නත්කරණයකට ලක් කල පුද්ගලයන්ට මෙම ප්රභේදයේ ආසාදිතයන් බවට පත්වීමට ඇති ප්රවණතාව සෙසු පුද්ගලයන්ට වඩා සියයට 65කින් අඩු බවද මෙම පර්යේෂකයන් විසින් පෙන්වා දෙනු ලැබ ඇත.
