වෛද්යවරුන් දැරූ සියලුම උත්සාහයන් ව්යර්ථ කරමින් ඩෑන් ප්රියසාද් අද (23) අළුයම මිය ගොස් තිබේ.
ඊයේ (22) රාත්රී 9:10ට පමණ වැල්ලම්පිටිය ලක්සඳ සෙවණ මහල් නිවාස සංකීර්ණයේ හයවන තට්ටුවේ පිහිටි සිය නිවස තුළ දි ඩෑන් ප්රියසාද්ට වෙඩි තබා තිබුණේ යතුරුපැදියකින් පැමිණි ඝාතකයින් දෙදෙනෙකි. ඔවුන් නිවසට ඇතුළු වී වෙඩි තබා තිබුනේ පිස්තෝලයකිනි.
ඩෑන් ප්රියසාද් මෙම වෙඩි ප්රහාරයෙන් තුවාල ලබා රෝහල්ගත කිරීමෙන් අනතුරුව මිය ගිය බව පොලිස් මාධ්ය ප්රකාශකවරයා ඊයේ රාත්රියේ සඳහන් කර සිටියේය.
කෙසේවෙතත් පසුව පොලිස් මාධ්ය ප්රකාශකවරයා සඳහන් කළේ වෙඩි වැදුණු ඩෑන් ප්රියසාද්, මියගොස් නොමැති බව සහ අසාධ්ය තත්ත්වයෙන් දැඩි සත්කාර ඒකකයේ ප්රතිකාර ලබන බවයි.
අනතුරුව අද උදෑසන පොලිස් මාධ්ය කොට්ඨාස විසින් වෙඩි වැදී රෝහල්ගතව ප්රතිකාර ලබමින් සිටි ඩෑන් ප්රියසාද් මියගොස් ඇතැයි තහවුරු කළේය.
වෙඩි ප්රහාර දෙකක් ඩෑන් ප්රියසාද්ගේ උරහිස ප්රදේශයට සහ තවත් වෙඩි ප්රහාර දෙකක් ඔහුගේ පපුව ප්රදේශයට එල්ල වී තිබූ බව රෝහල් ප්රකාශකයෙකු පැවසීය.
සිද්ධියෙන් තවත් පුද්ගලයෙකු සුළු තුවාල ලබා රෝහල්ගත කර තිබේ.
වැල්ලම්පිටිය පොලිසිය වැඩිදුර පරීක්ෂණ පවත්වයි.
