-
අඩුම තරමින් ද්විත්ව පුරවැසියෙක්වත් නොවෙයි… භාවිතා කරන්නෙ හොර පාස්පෝට් එකක්…. ඉන්න ඕන පාර්ලිමේන්තුවෙ නොවෙයි… හිරේ!
සංචාරක රාජ්ය ඇමතිනී ඩයනා ගමගේ බ්රිතාන්ය පුරවැසියෙකු බවත් ඇය ද්විත්ව පුරවැසියෙක් නොව, බ්රිතාන්ය පුරවැසියෙක්ව සිටිය දී ව්යාජ ලෙස සකස් කළ ශ්රී ලංකා ගමන් බලපත්රයක් භාවිතා කරමින් නීති විරෝධීව ලංකාවේ රැඳී සිටින තැනැත්තියක් බවත් ආගමන විගමන නිලධාරීන් අපරාධ පරීක්ෂණ දෙපාරත්මේන්තුව හරහා අධිකරණයට කරුණු ඉදිරිපත් කර තිබේ.
අධිකරණයට වාර්තාවූ කරුණු අනුව ‘නයනා සමන්මලී’ හෙවත් ඩයනා නටාෂා කැකනදුර හෙවත් ඩයනා ගමගේ බ්රිතාන්ය පුරවැසිභාවය හිමි තැනැත්තියක් බව ආගමන විගමන දෙපාර්තමේන්තු ලිපි ලේඛන සනාථ කර ඇත.
බ්රිතාන්ය පුරවැසි භාවය ලබා ගන්නා අතර ඇයට ලංකාව තුළ ජීවත්වීමට නිකුත් කර ඇති වීසා වර්ෂ 2014 දී කාලය නිමා වී තිබේ.
ඒ අතර 2014 ජනවාරි මාසයේ දී ව්යාජ උප්පැන්න සහතිකයක් සහ ජාතික හැඳුනුම්පතක් භාවිතා කර ඩයනා ගමගේ යළිත් වරක් ශ්රී ලංකා විදේශ ගමන් බලපත්රයක් ලබා ගෙන ඇත.
ආගමන විගමන නිලධාරීන් අපරාධ පරීක්ෂණ දෙපාර්තමේන්තුව හරහා අධිකරණයට ප්රකාශ කළේ ඇය “ද්විත්ව පුරවැසිභාවය” උසුළන්නියක නො ව බ්රිතාන්ය පුරවැසිභාවය සහිත නීති විරෝධී ශ්රී ලංකා විදේශ ගමන් බලපත්රයක හිමිකාරියක් බව යි.
කොළඹ ප්රධාන මහේස්ත්රාත්වරයා හමුවේ මෙම කරුණු අනාවරණය වීමෙන් අනතුරුව ප්රධාන මහේස්ත්රාත්වරයා මෙම නඩුව තවදුරටත් පවත්වාගෙන යෑමට තීරණය කළේය.
ඒ අනුව කරුණු විශ්ලේෂණය කර ඉක්මනින් මෙම අධිකරණ කටයුත්ත අවසන් කිරීමට අවශ්ය පියවර ගන්නා ලෙස ප්රධාන මහෙස්ත්රාත්වරයා අපරාධ පරීක්ෂණ දෙපාර්තමේන්තු නිලධාරීන්ට දන්වා සිටියේය.
ඩයනා ගමගේගේ ද්විත්ව පුරවැසිභාවය සම්බන්ධයෙන් මීට පෙර අපරාධ පරීක්ෂණ දෙපාර්තමේන්තුවට ඉදිරිපත් කෙරුණු පැමිණිල්ලක් අනුව විමර්ශන කටයුතු සිදු කළ අපරාධ පරීක්ෂණ දෙපාර්තමේන්තුවේ හිටපු පොලිස් පරීක්ෂක නිශාන්ත සොයිසා මෙම කරුණු අධිකරණය හමුවේ අනාවරණය කිරීමට සූදානමින් සිටිය දී ඔහුට අපරාධ පරීක්ෂණ දෙපාර්තමේන්තුවෙන් හදිසි ස්ථාන මාරුවක් ලැබී තිබිණි.
මේ හේතුවෙන් මෙම කරුණු අධිකරණය හමුවේ අනාවරණය නො වූ අතර, පසු ව පොලිස් පරීක්ෂක නිශාන්ත ද සිල්වා ඔහුට එල්ල වූ මරණීය තර්ජන හමුවේ ශ්රී ලංකාවෙන් බැහැරව ගියේය.
