ඉන්දියාව, මැදපෙරදිග හා නැගෙනහිර යුරෝපය අතර ගොඩනැගෙන ආර්ථික කොරිඩෝව තරඟ වෙනස් කරවන අන්දමේ කලාපීය ආයෝජනයක් බව එක්සත් ජනපදයේ ජනාධිපති ජෝ බයිඩන් පවසයි.
ඉන්දියාවේ පැවැත්වූ ජී 20 සමුළුව අතරතුරේදී මේ සම්බන්ධයෙන් ඇති වූ සාකච්ඡාවකදී ඔහු මේ බව පවසා තිබේ.
එක්සත් ජනපදය, ඉන්දියාව, සවුදි ආරාබිය, එක්සත් අරාබි එමීර් රාජ්යය, ප්රංශය, ජර්මනිය, ඉතාලිය හා යුරෝපා සංගමය මෙම ආර්ථික කොරිඩෝව සඳහා අත්සන් කිරීම ස්ථිර කර ඇති බව ද එක්සත් ජනපද ජනාධිපතිවරයා සඳහන් කර ඇත.
මෙම ආර්ථික කොරිඩෝව ‘සහයෝගීතාවයේ, නවෝත්පාදනයේ හා හවුල් ප්රගතියේ ප්රදීපාගාරය ලෙස පත් කරන බවට පොරොන්දු වෙනවා’ ලෙසින් ඉන්දීය අගමැති නරේන්ද්ර සිං මෝදි පවසයි.
මෙය, යටිතල පහසුකම් සම්බන්ධ ආර්ථික සහයෝගීතාව පිළිබඳ මෙම රටවල අතර ඇති වූ ඓතිහාසික හා පළමු ආකාරයේ ව්යාපෘතියයි.
“මගේ මිතුරා වන එක්සත් ජනපද ජනාධිපති ජෝ බයිඩන් සමඟ මෙම වැඩසටහනේදී සම මූලාසන ගන්නට ලැබීම මට සතුටක්. අද අපි කවුරුත් දැක්කා ඓතිහාසික වැදගත් ගිවිසුමක අවසානය. එළඹෙන දිනවලදී එය ඉන්දියාව, දකුණු ආසියාව හා යුරෝපය අතර ආර්ථක වර්ධනයට විශාල පිටුවහලක් වේවි..”
නරේන්ද්ර මෝදි පැවසූ බව ඒඑන්අයි පුවත් සේවය වාර්තා කර තිබේ
