ශ්රියානි විජේසිංහ –
රටපුරා ඩෙංගු රෝගය වසංගතයක් ලෙස පැතිර යන අවස්ථාවකදී ඩෙංගු මර්දන කටයුතුවල බිම් මට්ටමේ සිට ක්රියාත්මක කරන මහජන සෞඛ්ය පරික්ෂකවරුන්ව නොසලකා හැර ඇතැයි එම සංගමය සඳහන් කරයි.
මේ වන විට ඩෙංගු මර්ධන වැඩසටහන මගින් රටපුරා ඩෙංගු අවදානම් කලාප 65ක් නම් කර ඇති පසුබිමක මදුරු කීටයන් බෝවිය හැකි ස්ථානයන් සොයා ගොස් විනාශ කිරීමට මහජන සෞඛ්ය පරික්ෂකවරුන් කටයුතු කළද ඩෙංගු මධදන වැඩසහනට මගින් ක්රියාත්මක කරන කිසිදු ඩෙංගු වැඩසටහනකට , පුහුණු වැඩමුළුවකට, ව්යාපෘතියක, දැනුවත් කිරිමකට හෝ අවම වශයෙන් සාකච්ඡාවකට හෝ මහජන සෞඛ්ය පරික්ෂකවරුන්ව කැඳවීමක් නොකරන බව එම සංගමය කියයි.
මෙම වැඩමුලුවලට සහභාගි වන කිසිදු පුද්ගලයෙකු බිම්මට්ටමේ රෝග නිවාරණ කටයුතු සදහා සහභාගි නොවන බවද හෙතෙම පෙන්වාදේ.
ජාතික ඩෙංගු මර්ධන වැඩසටහන මගින් නිකුත් කරන කිසිදු චක්ර ලේඛයක් සඳහා මහජන සෞඛ්ය පරික්ෂකවරුන්ගේ නාමයන් ඇතුළත් නොකිරීමද බරපතල තත්ත්වයක් බවත් ඉදිරියේදී මෙරටට පැමිණිය හැකි කොවිඩ් වැනි වසංගත රෝගයන්ගෙන් ජනතාව ආරක්ෂා කර ගැනීමට ඔවුන්ව දැනුවත් කිරිමද මහජන සෞඛ්ය පරික්ෂකවරුන් විසින් සිදුකරන බවද සංගමය කියයි.
