-
සිරකරුවෙක් නිදහස් කිරීමේ චක්රලේඛය අනුව හිරකරුවෙක් නිදහස් කිරීමේ බලය බන්ධනාගාර කොමසාරිස් ජෙනරාල්ට තියනවා… මෙතන සිද්ධ වී ඇත්තේ කරුණු වරදවා තේරුම් ගැනීමක්…
සිරකරුවන් නිදහස් කිරීමේ චක්රලේඛය ප්රකාරව ජනාධිපති පොදු සමාව යටතේ ජනාධිපතිවරයා විසින් ඉදිරිපත් කරන ලයිස්තුවට අමතරව නිදහස් කිරීමට හැකි සිරකරුවන් නිදහස් කිරීමේ බලතල බන්ධනාගාර කොමසාරිස් ජෙනරාල්වරයාට ඇති බව අදාල චක්රලේඛනය උපුටා දක්වමින් ජ්යෙෂ්ඨ නීතිඥ දර්ශන කරුප්පු අද කොළඹ මහේස්ත්රාත් අධිකරණයේ දී ප්රකාශ කළේය.
වැඩතහනමට ලක් වු බන්ධනාගාර කොමසාරිස් ජෙනරාල්වරයා වෙනුවෙන් පෙනී සිටි ජ්යෙෂ්ඨ නීතිඥ දර්ශන කුරුප්පු අධිකරණයට කීවේ ජනාධිපති සමාව යටතේ අනීතිකව සිරකරුවෙක් නිදහස් කර ඇතිනම් එම වරදට තම සේවාදායකයා පමණක් නොව, අධිකරණ අමාත්යාංශ ලේකම්වරයාත්, ජනාධිපති ලේකම්වරයාවත් සැකකරුවන් කළ යුතු බවය.
සිරකරුවන් ලැයිස්තුව ඇතුළත් නාම ලේඛනය අධිකරණ අමාත්යාංශ ලේකම්වරයා හරහා ජනාධිපති ලේකම්වරයා වෙත යොමු කිරීමක් සිද්ධවන බව ද ඔවුන්ද මේ නිදහස් කරන සිරකරුවන් සම්බන්ධව වගකීමක් දරණ බව ද නීතිඥවරයා තර්ක කළේය.
ජ්යෙෂ්ඨ නීතිඥ දර්ශන කුරුප්පු කීවේ තම සේවාදායකයා ජනාධිපති සමාව යටතේ අනුරාධපු බන්ධනාගාරයේ සිරකරුවෙක් බන්ධනාගාරයෙන් නිදහස් කිරීමේ සිද්ධිය සම්බන්ධයෙන් කිසිදු අනුදැනීමක් නොමැති බවය. සිදුවී ඇත්තේ අනුරාධපුර බන්ධනාගාර අධිකාරීවරයා විසින් වරදවා වටහාගැනීමක් බවය . ඔහු අධිකරණයට මෙසේ ද කීවේය.
“ජනාධිපති පොදු සමාව යටතේ නිදහස් කිරීමේ සිරකරුවන් 388 යටතට මෙම සැකකරු සඳහන් වෙන්නේ නෑ. එසේ වීමට හේතුව රජය මගින් නිකුත් කර තිබූ බන්ධනාගාර සිරකරුවන් නිදහස් කිරීමේ චක්රලේඛයට අදාලව බන්ධනාගාර අධිකාරීවරයාට පවතින බලතල. ඔහුට හිමිව ඇති බලතල අනුව නම් කරන ලද සිරකරුවන්ට අමතරව නිදහස් වීමට හැකි සිරකරුවන් නිදහස් කිරීමට හැකි බව ඒ චක්රලේඛයේ සඳහන් කර තිබෙනවා.”
“එය වැරදියට වටහාගෙනයි අනුරාධපුර බන්ධනාගාර අධිකාරීවරයා කටයුතු කරලා තියෙන්නේ. ස්වාමීනි. එම චක්රලේඛයේ කිසියම් සිදුවීමක් වුවහොත් බන්ධනාගාර අධිකාරීවරයා විසින් නිදහස් කරන ලද සිරකරුවන් පිළිබඳ සියලුම වගකීම ඔහු සතු බවත් දන්වා තිබෙනවා. එම කරුණින්ම පැහැදිලිවෙනවා ස්වාමීනී මගේ සේවාදායකයා මේ සිද්ධියට කිසිදු සම්බන්ධයක් නැති බව.”
“මගේ සේවාදායකයා විතරක් නෙමෙයි. අධිකරණ අමාත්යාංශ ලේකම්වරයා, ජනාධිපති ලේකම්වරයාවත් සැකකරුවන් කරන්න ඕන. මොකද නම් කරන ලද සිරකරුවන් ලැයිස්තුව ඇතුළත් නාම ලේඛනයට අධිකරණ අමාත්යාංශ ලේකම්වරයා හරහා ජනාධිපති ලේකම්වරයා වෙත යොමු කිරීමක් සිද්ධ වෙන නිසා.”
“මෙහිදී නිතිපති දෙපාර්තමේන්තුව වෙනුවෙන් පෙනී සිටි නියොජ්ය සොලිසටර් ජෙනරාල් දිලීප පීරිස් ප්රකාශ කළේ තමන් සැකකරුට ඇප ලබාදීමට විරෝධය පල කරන බවය. ඉදිරිපත් වූ කරුණු සලකා බැලූ අතිරේක මහේස්ත්රාත්වරයා සැකකරු හෙට දින දක්වා බන්ධනාගාරගත කරනු ලැබුවේය.”
