නව ජනාධිපතිවරයෙකු හා අගමැතිවරයෙකු පත් කිරීම ඡන්දයකින් සිදු නොවිය යුතු බවත්, එය යම් කතිකාවතක් මඟින් ඒකමතික තීරණයකට පැමිණීමෙන් පසුව පමණක් සිදු කළ යුතු බවත් විශේෂඥ වෛද්යවරුන්ගේ සංගමය, සියලුම පක්ෂ නායකයින් හා පාර්ලිමේන්තු මන්ත්රීවරුන් සඳහා විවෘත ලිපියක් යොමු කරමින් පවසයි.
රටේ මහජනතාවගේ මතය අවංකවම පාර්ලිමේන්තුව තුළ නියෝජනය වන බව ස්ථිර කළ හැක්කේ මෙම ක්රියාමාර්ගය තුළින් පමණක් බව ඔවුන් සඳහන් කරයි.
මේ අවස්ථාවේ රට වැටී ඇති දැඩි අර්බුදකාරී වාතාවරණයෙන් ගොඩ ගැනීමට නම් පහළොස් දෙනෙකුගෙන් සමන්විත කැබිනට් මණ්ඩලයක් සහිත සර්වපාක්ෂික ආණ්ඩුවක් පිහිටුවිය යුතු අතර ජනතාව පිළිකුල් කරන නායකයින් නැවත එම තනතුරුවලට ගෙන ඒමට උත්සාහ කරන අනුගාමිකයින් තනතුරුවලට පත් නොකළ යුතු බව ද සංගමය පවසයි.
ඔවුන් වැඩිදුරටත් සඳහන් කරන්නේ ‘ප්රථමයෙන් රට’ යන මූලධර්මය සඳහා සියලු දෙනා කැපවීමෙන් කටයුතු කළ යුතු බවත් ‘බලය තම කණ්ඩායම සතු කර ගැනීමේ’ මූලධර්මය ඉටු කර ගැනීමට උත්සාහ කිරීම ජනතාව දැඩි පිළිකුලෙන් බැහැර කරන බවත් ය.
