කාබනික ගොවිතැන රටට හඳුන්වා දීමට ජනාධිපතිතුමා කටයුතු කළේ සද්භාවයකින් වුවද ලෝකයේ පවතින තත්ත්වය අනුව මේ සද්භාවයෙන් පමණක් රටේ කෘෂිකර්මය සම්බන්ධයෙන් කටයුතු කළ නොහැකි බව කර්මාන්ත අමාත්ය විමල් වීරවංශ අද (17) පාර්ලිමේන්තුවේදී පැවසීය.
අයවැය විවාදයේදී අදහස් දක්වමින් වීරවංශ අමාත්යවරයා සඳහන් කළේ කෘෂිකර්මයේදී අපට කාබනික කෘෂිකර්මාන්තයෙන් පමණක් අවශ්යතා සුපරා ගන්නට නොහැකි බව තේරුම් ගතයුතු බව පෙන්වා දුන්නේය.
පසුගිය කාලයේ දී විවෘත වෙළෙඳපොළ රටාව තුළ මෙරට තිබූ විධිමත් කෘෂිකර්මය වානිජ බලපෑම්වලට යටත් වූ බවත් මේ තත්ත්වය හේතුවෙන් රජයේ වගා උපදෙස් වෙනුවට කෘෂි රසායන පොහොර සමාගම්වල වෙළෙඳ බලපෑම්වලට කෘෂිකර්මය ලක්ව ඇති අතර අද කළ යුත්තේ අවශ්යතා අනුව රසායනික යෙදවුම් සහිත ස්වාභාවික කෘෂිකර්මයකට යොමු වීම මිස කාබනික වගාවකට යොමුවීම නොවන බව පෙන්වා දුන්නේය.
එහිදී තවදුරටත් අදහස් දැක්වූ අමාත්ය වීරවංශ
“විවෘත වෙළෙඳපොළ කුමය තුළ අප අද අප මුහුණ දී සිටින්නේ අවපාත තත්ත්වයකට. මේ තත්ත්වයට සාම්ප්රදායික දේශපාලනයට මුහුණ දීමෙන් කිසිවකුට ඉදිරියට යා නොහැකි බව අප තේරුම් ගත යුතුයි. “
“අද ගොවිතැන පිළිබඳව විශාල සංවාදයක් ඇතිව තිබෙනවා. කාබනික ගොවිතැන හඳුන්වා දෙන්නට ජනාධිපතිතුමා කටයුතු කළේ සද් භාවයෙන්. නමුත් සද්භාවය පමණක් ප්රමාණවත් වෙන්නේ නෑ. රසායනික පොහොර වානිජ කෘෂිකර්මාන්තය ලෙස නොවෙයි එය ස්වභාවික කෘෂිකර්මාන්තය ලෙස තේරුම් ගත යුතුයි. එහිදී සිදුවිය යුත්තේ පසට ගමට අවශ්ය ප්රමාණයට රසායනික හෝ කාබනික හෝ අවශ්ය දේ අවශ්ය ප්රමාණයට යෙදීමයි. සිදුවිය යුත්තේ එයයි. අපි වුණාම දොස්තරලා ළඟට යනවා ඇඟට යම් විටමින් එකක් අඩුයි නම් ඒක ගන්න කියනවා. සමහර දොස්තරලා ඉන්නවා ඒ අය සමාගම්වල කොමිස් එක මත විටමින් අවශ්ය නොවුණත් ඒක ගන්න කියනවා. ගොවිතැනේදීත් ඒක එහෙමම වෙනවා. අවශ්ය දේත් අනවශ්ය දේත් අපි යොදනවා.“
“ මේ සමාගම්වල බලපෑමට. මේ ත්තත්වය නිර්මාණය වුණේ විවෘත ආර්ථිකය පැමිණීමත් සමඟම. ඉස්සර අපේ ගම්වලට වගා මහත්තයෙක් හිටියා. වගාවට සුදුසු පස පරික්ෂණ කරනවා. අවශ්ය ආකාරයට පොහොර නිර්දේශ කරනවා .ඒ වගා මහත්තයා ජයවර්ධන ආණ්ඩුවෙන් නැති කරල දැම්මා. අද වෙන්නේ සමාගම්වල අවශ්යතාකවට ඕනවට වඩා පොහොර පැටවීමයි. අපි නැවැත්විය යුත්තේ එයයි. එහෙම නැතිව කාබනික වගාවට ගිහින් මේක කරන්න බෑ.
දැන් අපේ රජය සහල් මිලදී ගන්න උත්සාහ කරනවා. මම දන්න තරමින් ගොඩක් රටවල් තමන් සතු සහල් දෙන්නේ නෑ. ඊට හේතුව ආහාර සුරක්ෂිතකතාව සම්බන්ධයෙන් පවතින ප්රශ්න. ඔවුන් හිතනවා ආහාර අභියෝගයක් එයි. අතිරික්තයක් හැටියට ගොඩ ගහගන්න ඕන කියල. අපිත් ඉන්නේ එවැනි තැනක. “ යයිද අමාත්ය වීරවංශ ප්රකාශ කළේය.
