දිනසේන රතුගමගේ –
ජනාධිපතිවරණයේදී රනිල් වික්රමසිංහ ජනාධිපතිවරයාට සහය ලබා දීමට එක් මන්ත්රීවරයෙකු කැමැත්ත පල කිරීමත් සමගම ඊයේ (26) වනවිට ටෙලෝ සංවිධානයත් දෙකඩ වී ගොස් තිබේ.
ටෙලෝ සංවිධානය නියෝජනය කරණ මන්ත්රීවරු දෙදෙනෙකු වන්නි පළාත නියෝජනය කරණ අතර ඉන් එක් අයෙකු වන්නේ ටෙලෝ සංවිධානයේ නායක සෙල්වම් අඩෙයිකලනාදන් මන්ත්රීවරයාය.
අනෙක් මන්ත්රීවරයා නෝහ රාධලිංගම් හෙවත් විනෝ මන්ත්රීවරයා වන අතර පසුගිය සතියේදී ටෙලෝ සංවිධානයේ මධ්යම කාරක සභාව වවුනියාවේදී රැස් වූ අවස්ථාවේදී මෙවර ජනාධිපතිවරණයේදී දෙමළ පොදු අපේක්ෂකයාට ටෙලෝ සංවිධානයේ පූර්ණ සහය ලබා දිය යුතු බවට යෝජනාවක් සම්මත විය.
ඉන් දින දෙකකට පසුව ටෙලෝ සංවිධානයේ කිසිවෙකුටවත් නොදන්වා නෝහා රාධලිංගම් මන්ත්රීවරයා කොළඹට ගොස් රනිල් වික්රමසිංහ ජනාධිපතිවරයා මුණ ගැසී මෙවර ජනාධිපතිවරණයේදී තමන් හා තමන්ගේ පාක්ෂිකයින් එක්ව රනිල් වික්රමසිංහ ජනාධිපතිවරයාට සහය ලබා දෙන බවට පොරොන්දු වී ඇත.
මේ ආරංචියත් සමගම පක්ෂයට නොදන්වා ජනාධිපතිවරයා හමුවීම මන්ත්රීවරයා විසින් සිදු කරණ ලද වරදක් බැවින් ඒ සම්බන්ධයෙන් නිදහසට කරුණු සපයන ලෙස ලිඛිතව ලියවිල්ලක් හා චෝදනා පත්රයක් මන්ත්රීවරයාට ටෙලෝ සංවිධානයේ නායකයා හා කාරක සභාව විසින් බාර දී ඇත.
ඔහු එම ලිපිය බාර ගැනීම පවා ප්රතික්ෂේප කොට රනිල් වික්රමසිංහ ජනාධිපතිවරයාට සහය ලබාදීමට පටන් ගැනීම නිසා ටෙලෝ සංවිධානය මේ වන විට දෙකඩ වී තිබේ.
මේ සම්බන්ධයෙන් මාධ්යවේදීන් ටෙලෝ නායක සෙල්වම් අඩෙයිකලනාදන් මන්ත්රීවරයාගෙන් තොරතුරු විමසූ විට ඔහු කිසිවක් ප්රකාශ කිරීමට නොහැකි බව පැවසූ අතර නෝහා රාධලිංගම් මන්ත්රීවරයා කියා සිටියේ තමන් මෙවර ජනධිපතිවරණයේදී තමන්ට සහය පලකොට ඇති පාක්ෂිකයින් සමග එක්ව රනිල් වික්රමසිංහ ජනධිපතිවරයාට සහය ලබා දෙන බවයි.
