ජනාධිපති ගෝඨාභය රාජපක්ෂ සිය ඉල්ලා අස්වීමේ ලිපිය කථානායක මහින්ද යාපා අබේවර්ධන වෙත විද්යුත් තැපෑලෙන් එවා ඇති බව පාර්ලිමේ්න්තු ආරංචි මාර්ග තහවුරු කරයි.
මේ වනවට ජාත්යාන්තර මාධ්ය සියල්ලකම එම ප්රවෘත්තිය ප්රකාශ වෙමින් තිබේ.
කෙසේ වෙතත් මෙම ඉල්ලා අස්වීමේ ලිපිය ඔහු විසින් නියමිත දින වකවානුව තුළ ලබා නොදීම සම්බන්ධව බරපතල ප්රශ්නයක් මතු වුවත් විශ්වාස කටයුතු අභ්යන්තර ආරංචි මාර්ග දැන් හෙළි කරන්නේ එම ලිපිය පසුගිය 12 වැනිදා රාත්රියේ කතනායකවරයා අතට පත් කර ඇති බවය.
එහෙත් හිටපු ජනාධිපති ගෝඨාභය රාජපක්ෂගේ ගමනාන්ත සැලසුම තහවුරු වනතුරු එම ලිපිය නිකුත් කිරීම පමා කිරීමට කටයුතු කර ඇතැයි ද එම ආරංචි මාර්ග සඳහන් කරයි.
කතානායකවරයාගේ දැඩි ආතති තත්ත්වයට හේතු වූයේත් මේ පසුබිම බව වාර්තා වේ.
කෙසේ වෙතත් ඉල්ලා අස්වීම නිල වශයෙන් ප්රකාශ වීමත් සමග වැඩ බලන ජනාධිපතිවරයා ලෙස ව්යවස්ථානුකූල පූර්ණ බලය අග්රාමාත්යවරයා වෙත පැවරී ඇත.
අග්රාමාත්ය රනිල් වික්රමසිංහ ජන පදනමක් නැති නායකයෙක් බැවින් ව්යවස්ථානුකූලව වඩාත් සාධාරණ ප්රවේශයක් සඳහා වැඩබලන ජනාධිපතිවරයා ලෙස කතානායකවරයා පත් කරගැනීමට ඔහුට ඉල්ලා අස්වන සේ බහුතර පක්ෂ නායකයින් කියා සිටියත් ඔහු එම ඉල්ලීමට කිසිම ප්රතිචාරයක් දක්වා නැත.
