අමෙරිකානු ඩොලරයට සාපේක්ෂව ශ්රී ලංකා රුපියලේ අගය ඉහළ යාම සැලකිල්ලට ගනිමින් දැනට පවතින ජංගම දුරකථන මිල සියයට 20 කින් අඩු කිරීමට ශ්රී ලංකා දුරකථන අලෙවි නියෝජිත සංගමය තීරණය කර තිබේ.
ඩොලරය ඉහළ යාම හේතුවෙන් පසුගිය මාස කිහිපය තුළ ජංගම දුරකථන මිලදී ගැනීම සියයට 40 කින් අඩු වූ ඇති බව ශ්රී ලංකා දුරකථන අලෙවි නියෝජිත සංගමය සභාපති සමිත් සෙනරත් කියා සිටියේය.
ජංගම දුරකතනවල මිල වැඩි වීම නිසා අලුත් දුරකථන මිලදී ගැනීම වෙනුවට පැරණි දුරකථන අලුත්වැඩියා කර ගැනීමට ජනතාව පුරුදු වී ඇති බවද ඔහු පැවසීය.
නමුත් මේ වන විට ඇමෙරිකානු ඩොලරයට සාපේක්ෂව ශ්රී ලංකා රුපියලේ අගය ඉහළ යාමත් සමඟ ජංගම දුරකථන සඳහා ඇති ඉල්ලුම යළිත් ඉහළ ගොස් තිබේ.
කෙසේ වෙතත් ඩොලරයේ මිල යළි ඉහළ ගියහොත් ජංගම දුරකථන මිල ද ඉහළ යනු ඇති බව සභාපතිවරයා සඳහන් කළේය.
