නිශානී අත්තනායක-
පර්යේෂණාගාරයක තැනූ කුඩා මිනිස් මොළයකින් ක්රියාත්මක වන රොබෝ යන්ත්රයක් නිර්මාණය කරන්නට චීන විද්යාඥයන් සමත්ව තිබේ.
මියගිය අයෙකුගේ සිරුරකට සම්පූර්ණයෙන්ම ආගන්තුක ඔලූ ගෙඩියක් බද්ධ කර නව තැනැත්තේකු බිහිකරන තේමාවක් රැගත් “ෆ්රැන්කන්ස්ටයින්” විද්යා ප්රබන්ධ කතාව සිහියට නංවන මේ රොබෝවරයා ක්රියා කරන්නේ විද්යාගාරයේ කාබනික ද්රව්යයන් මත වැඩුණු මොළයේ සෛල ස්කන්ධයක්, සහ එහි ස්නායු පද්ධතිය සමඟ අන්තර්ක්රියා කරන්නට පහසු සබඳතාවක් තනා දෙන පරිගණක චිපයක් භාවිතා කරමිනි.
චීන විද්යාඥයන් එය ‘චිපයක් මත රැඳී මොළයක්‘ ලෙස විස්තර කර ඇත. චීන විද්යාඥයින් කණ්ඩායම මෙම මොළය ගොඩනැගීමට සාමාන්යයෙන් කලලයේ හමුවන පසුකලෙක ඔනෑම පටකයක් හෝ අවයවයක් බවට වැඩී වර්ධනය වීමට සමත් වන මූලික සෛල ගොනුවක් වන ප්රාථමික සෛල භාවිතා කර තිබුණි. එය සිය සංවේදක භාවිතා කරමින් මිනිස් මොළයක් මෙන් ම ක්රියා කරයි. AI බලයෙන් ක්රියාත්මක වන ඇල්ගොරිතමයක් ස්වාධිනව චලනය වීමට, වස්තූන් අල්ලා ගැනීමට සහ බාධක මඟහරවා ගැනීමට රොබෝව පොළඹවයි.
මේ සඳහා රොබෝවරයාගේ ශරීරයට උපදෙස් ලබා දෙන පරිගණක චිපයක් සමඟ මොළ-පරිගණක අතුරුමුහුණත් (BCI) සබඳතාවක් යොදා එය මොළය සම්බන්ධ කර ඇති අතර එය අතපය චලනය කිරීමට, බාධක මඟහරවා ගැනීමට සහ ඉලක්ක සොයා ගැනීමට විධාන ලබා දීමට උපකාරී වේ. චීනයේ Tianjin විශ්වවිද්යාලයේ විද්යාඥයන් විසින් මෙම යන්ත්රය නිර්මාණය කර ඇත.
මෑත කාලයේ මොළය සහ – පරිගණක අතර සබඳතා ඇති කිරිමේ හැකියාව සහිතව නිපදවූ Elon Musk ගේ Neuralink චිපය නිර්මාණය කිරීමට භාවිතා කළ ක්රම වේදය අනුවම සකස් කළ මොළ – පරිගණක අතුරුමුහුණත් (BCI) සබඳතාවක් මගින් මොළයෙන් නිකුත් වන විද්යුත් සංඥා පරිගණක චිපය සමඟ ඒකාබද්ධ කරන්නට සමත් වි තිබේ. Neuralink හි මෙම අතුරු සබඳතා උපාංගය බ්ලූටූත් සම්බන්ධතාවයක් හරහා පරිගණකයකට සංඥා සම්ප්රේෂණය කරන්ට සමත්වේ.
මෙම කෘත්රිමව වගා කර ගත් මොළය, මිනිස් මොළයට සමානවම බුද්ධියේ සලකුණු පෙන්නුම් කරන බව තහවුරු කර ඇති විද්යාඥයන් කියන්නේ මෙම නව සොයා ගැනීම ඉදිරිකාලයේදි මිනිසාගේ මස්තිෂ්ක බාහිකයට සිදුවන හානි අලුත්වැඩියා කිරීමට සහ ස්නායු ආබාධ සුව කිරීමට ෛවෙද්ය විද්යාත්මක වෙනත් නව ශිල්පීය ක්රම නිර්මාණය කිරීම සඳහා යොදා ගත හැකි වනූ ඇති බවය.
