ශ්රී ලංකාවේ ණය බර ලිහිල් කරගෙන, ආර්ථික අර්බුදයට විසඳුමක් සහිතව තිරසාර සංවර්ධනයක් සාක්ෂාත් කරගැනීම සඳහා ජත්යාන්තර මූල්ය ආයතන සහ අදාළ රටවල් සමග එක්ව අඛණ්ඩ ධනාත්මක ප්රතිචාරයක් දැක්වීමට සූදානම් බව චීනය නිවේදනය කරයි.
චීන විදේශ අමාත්යංශයේ මාධ්ය ප්රකාශක සංහෝ ලිජියැං සති පතා පැවැත්වෙන මාධ්ය හමුවේදී රොයිටර් පුවත් සේවයේ මාධ්යවේදියකු ජාත්යන්තර මූල්ය අරමුදල සමඟ මූලික එකඟතාවකට පැමිණ සිටින ශ්රි ලංකාව සම්බන්ධයෙන් චීන ස්ථාවරය පිළිබඳව විමසූ අවස්ථාවේ මේ බව කියා සිටියේය.
එහිදී සාහෝ ලිජියැං තවදුරටත් ප්රකාශ කර සිටියේ චීනය ශ්රි ලංකාවේ තත්ත්වය සහ එහි ජනතාව අත් විඳින දුෂ්කරතා පිළිබඳව ඉතා සමීප අවධානයකින් පසු වූ බව සහ අවශ්ය ආධාර උපකාර ලබා දුන් බවයි.
එසේම ශ්රි ලංකාවේ සමාජ ආර්ථික සංවර්ධනය ඉලක්ක කරගෙන චීනය තමන්ට හැකි උපරිමයෙන් ශ්රි ලංකාවට උපකාර කළ බවද චීන විද්ශ අමාත්යංශ ප්රකාශකයා සඳඳහන් කර තිබුණි.
🇨🇳 @MFA_China Spox @zlj517:
We are ready to work with relevant countries and international financial institutions to continue to play a positive role in supporting #SriLanka’s response to current difficulties and efforts to ease debt burden and realize sustainable development. pic.twitter.com/7qtid44PP8
— Chinese Embassy in Sri Lanka (@ChinaEmbSL) September 2, 2022
කෙසේ වුවද ශ්රි ලංකාව ජාත්යන්තර මූල්ය අරමුදල මඟින් ණය ආධාර ඉල්ලීම සම්බන්ධයෙන් ඔවුන් මුලදී අසතුටුදායක ප්රතිචාරයක් දැකවූ අතර චීන තානාපතිවරයා ප්රකාශ කර සිටියේ චීනය ශ්රි ලංකාවේ ආර්ථික අර්බුදය හමුවේ උපකාර කිරීමට සූදානමින් සිටින අතරේ ජාත්යන්තර අරමුදල හමුවට යාම සහ ණය පැහැර හරින බවට ප්රකාශ කිරීම සම්බන්ධයෙන් කණස්සල්ල පළ කරන බවය.
