ගෑස් අර්බුදය තමන්ට පාලනය කළ නොහැකි, පෙර සකස් කළ පිටපතකට අනුව සිදුවන සිද්ධි දාමයක ප්රතිඵලයක් බවට සඳහන් කරමින් ලිට්රෝ ගෑස් සමාගමේ සභාපති තෙෂාර ජයසිංහ ඊයේ (14) සිට සිය ධුරයෙන් ඉල්ලා අස් වී තිබේ.
මේ බව සඳහන් කරමින් ඔහු ජනාධිපති ගෝඨාභය රාජපක්ෂට ලිපියක් යොමු කොට ඇති අතර එයින් ඔහු පෙන්වා දෙන්නේ ජනාධිපතිවරයා ගේ පූර්ණ සහය සහ ආශිර්වාදය තමන්ට හිමි වුවද මුදල් අමාත්යංශය භාරව සිටි අමාත්ය බැසිල් රාජපක්ෂගේ සහ අමාත්යංශ නිලධාරීන්ගේ සහය ඔහු වෙත නොලැබුණු බවය.
මේ වනවිට නිර්මාණය වී ඇති ගෑස් සම්බන්ධ අර්බුදය ආයතන මට්ටමින් විසඳිය නොහැකි එකක් බවත් ඒ සඳහා සමස්ත රටේ ආර්ථිකය කළමනාකරණය කරන බලධාරීන්ගේ කැපවීම හ වුවමනාව මත සිදුවිය යුත්තක් බවත් පෙර සිටි මුදල් අමාත්යවරයා හෝ අදාළ බලධාරීන් වුවමනාවෙන්ම මෙම අර්බුදය විසඳිම සඳහා අවශ්ය ප්රතිපත්තිමය සහයෝගය ලබා නොදුන් බවත් ජනාධිපතිවරයා වෙත යොමු කරන ලද ලිපියෙහි සෘජුවම සඳහන් කර තිබේ.
ඔහු මේ පිළිබඳව සඳහන් කරමින් ජනාධිපතිවරයාට ලියූ දීර්ඝ ලිපිය මෙහි පළවේ.
