ග්රීසිය මූල්ය අර්බුදයක සිටි අවස්ථාවක ග්රීක සුරැකුම්පත් මිලදී ගැනීමෙන් රුපියල් මිලියන 1,843ක අලාභයක් සිදුකිරීම සම්බන්ධයෙන් අල්ලස් කොමිසම විසින් හිටපු මහ බැංකු අධිපති අජිත් නිවාඩ් කබ්රාල් ඇතුළු සිව් දෙනෙකුට එරෙහිව යළිත් අධි චෝදනා ගොනු කර නඩු පවරා තිබේ.
ග්රීක බැඳුම්කර ගනුදෙනුව නිසා රුපියල් මිලියන 1843ක් පාඩු වූ බවට චෝදනා කරමින් වර්ෂ 2012 දි අල්ලස් කොමිසම විසින් නඩුවක් ගොනු කර තිබිණි. එහෙත් නඩුව පවරා තිබූ ආකාරයේ තාක්ෂණික දෝෂයක් මත හිටපු මහ බැංකු අධිපති අජිත් නිවාඩ් කබ්රාල් ඇතුළු චෝදනා ලද සිව් දෙනෙක් කොළඹ මහාධිකරණය විසින් පසුගිය මැයි 31 දා නිදහස් කරනු ලැබුවේ ය.
තාක්ෂණික දෝෂය නිසා නඩුවෙන් නිදහස් වී තිබුණේ හිටපු මහ බැංකු අධිපති නිවාඩ් අජිත් ලෙස්ලි කබ්රාල්, කන්කා නම් ගමගේ දොන් ධර්මසේන ධීරසිංහ, බෙන්ඩරගේ දොන් වසන්ත ආනන්ද සිල්වා, චින්ද්රසිරි ජයසිංහ පණ්ඩිත සිරිවර්ධන සහ හරංකහ ආරච්චිලාගේ කරුණාරත්න යන අය චූදිතයන්ය.
නඩුව ප්රතික්ෂේප වීමට හේතු වූ තාක්ෂණික දෝෂය මෙසේය. අජිත් නිවාඩ් කබ්රාල් ඇතුළු විත්තිකරුවන් පස්දෙනෙකුට එරෙහිව පවරා තිබූ චෝදනා පත්රය ගොනු කර තිබුණේ අල්ලස් කොමිසමේ අධ්යක්ෂ ජනරාල්වරයා එම ධුරයට පත් කිරීමට පෙරය. ධූරයට පත් වූ පසු අධ්යක්ෂ ජනරාල්වරයා එම චෝදනා පත්රයට අත්සන් තැබුවේය. විත්තියේ නීතිඥවරුන් තර්ක කළේ මේ හේතුව මත මෙම නඩුව පවරා පවත්වාගෙන යා නොහැකි බවය. ඒ අනුව අජිත් නිවාඩ් කබ්රාල් නිදහස් වුනා මිස කළ වරදින් ඔහු නිදහස් වුනේ නැත. පවත්වා ගැනීමට නොහැකි බවට තහවුරු වුන නඩුව ඇසුනේත් නැත.
කෙසේ වෙතත් තමන් විසින් ගොනු කළ නඩුවේ පැවති තාක්ෂණික දෝෂ නිවැරදි කර අජිත් නිවාඩ් කබ්රාල්ට යළි කොළඹ මහාධිකරණය ඉදිරියේ අධිචෝදනා ගොනු කිරීමට අල්ලස් හෝ දූෂණ චෝදනා විමර්ශන කොමිසම කටයුතු කළේය.
